ԵՐԵՎԱՆ, 13 հունիսի. /Նովոստի–Արմենիա/. Աշխարհի առաջնության դեմ բողոքի ալիքը տարածվել է Սան Պաուլուում, Ռիո դե Ժանեյրոյում և Բրազիլիայի մյուս խոշոր քաղաքներում առաջնության մեկնարկի օրը, հաղորդում է «ՌԻԱ Նովոստին»։
Բրազիլիայի և Խորվաթիայի հավաքականների միջև մեկնարկային խաղի սկզբից անմիջապես հետո մոտ 300 մարդ քայլարշավ են կազմակերպել Ռիոյում Կապաբլանկայի ծովափին, իսկ հետո շարժվել են դեպի ֆան-տարածք, որտեղ հարյուրավոր ֆուտբոլասերներ դիտում էին մեկնարկային խաղը։ Ոստիկանությանը հաջողվել է կասեցնել բախումները։
Երկրի մայրաքաղաքում բողոքողները ոստիկանների վրա քարեր էին նետում, որտեղի անցնեին դեպի Ազգային մարզադաշտ։ Ի պատասխան` բրազիլական ոստիկանությունը կիրառեց արցունքաբեր գազ։ Բողոքի ակցիային միացել է նաև բնիկ ժողովուրդների խումբը, որոնք պահանջում էին վերադարձնել իրենց հողերը։
Սան Պաուլուում նույնպես ոստիկանությունը ստիպված էր արցունքաբեր գազ և ռետինե փամփուշտներ կիրառել «Աենա Կորինտիասից», որտեղ ընթանում էր մեկնարկային խաղը, մի քանի կիլոմետր հեռվում ցուցարարներին ցրելու համար։ Սան Պաուլուում անկարգությունների ժամանակ թեթև վնասվածքներ են ստացել ամերիկյան CNN հեռուստաալիքի լրագրողուհին և պրոդյուսերը։ Ցուցարարները նաև փորձում էին փակել Բրազիլիայի հավաքականի ճանապարհը դեպի մարզադաշտ։
Ամենամարդաշատ ցույցերից մեկը տեղի ունեցավ Պորտու Ալեգրիում, որոնց մասնակցեց մոտ 1000 մարդ։ Ցուցարարները հարվածում էին շենքերի պատուհաններին և քարեր նետում ոստիկանների վրա։
Ըստ ոստիկանության տվյալների` բրազիլական քաղաքներում անկարգություններ հրահրողները անարխիստական «Սև բլոկ» կազմակերպության անդամներն են։ -0-
