Անգլիական պրեմիեր–լիգայի ակումբները կհետևեն «Սպարտակ» ՖԱ–ի հարձակվող Մովսիսյանի խաղին. ԶԼՄ

ԵՐԵՎԱՆ, 5 հունիսի./Նովոստի–Արմենիա/. Անգլիական պրեմիեր–լիգայի սկաուտները ներկա կլինեն հունիսի 6–ին Մայնցում կայանալիք Գերմանիա–Հայաստան ընկերական հանդիպմանը, որպեսզի տեսնեն, թե ինչպես է խաղում Մոսկվայի «Սպարտակ» ակումբի հարձակվող Յուրա Մովսիսյանը, նշում է  Sky Sports–ը։

Ըստ կայքի տեղեկատվության` 26–ամյա հայ հարձակվողով հետաքրքրվում են նաև Գերմանիայի և Իտալիայի ակումբները։

«Լսել եմ, որ որոշակի հետաքրքրություն կա Անգլիայից և Գերմանիայից»,  – հայտարարել է Մովսիսյանը։ «Տեսնենք` որքանով է դա լուրջ։ Ես ապացուցել եմ, որ ի վիճակի եմ գոլ խփել ցանկացած թիմում, և այս տարի ինձ բախտ վիճակվեց դա ևս մեկ անգամ ցույց տալ «Սպարտակում»։ Պատրաստ եմ փորձությունների և միշտ ցանկացել եմ ստուգել իմ ուժերը լավագույն ֆուտբոլիստների հետ խաղերում։ Եթե առաջարկ ստացվի, ես չեմ կարող վերահսկել իրավիճակը։ «Սպարտակում» գիտեն իմ հավակնությունների մասին, այդ պատճառով առաջարկը պետք է բավարարի բոլոր կողմերին»։

Մովսիսյանը 2012 թ.–ի դեկտեմբերին «Կրասնոդար» ակումբից տեղափոխվել էր «Սպարտակ», որի կազմում հարձակվողը անցկացրել է 38 հանդիպում և դարձել է 22 գոլի հեղինակ, հաղորդում է «ՌԻԱ Նովոստին»։–0–