ԵՐԵՎԱՆ, 22 ապրիլի. /Նովոստի–Արմենիա/. ՀՀ սպորտի և երիտասարդության հարցերի նախարարի պաշտոնակատար Յուրի Վարդանայնը չորեքշաբթի պարգևատրել է երկրում գործող ոչ օլիմպիական մարզաձևերի ֆեդերացիաների նախագահներին։
Ֆիզիկական կուլտուրայի և սպորտի զարգացման գործում ունեցած մեծ ներդրման համար «Ֆիզիկական կուլտուրայի և սպորտի պատվավոր աշխատող» կոչմանն արժանացավ և համանում կրծքանշանով պարգևատրվեց Հայաստանի ավանդական ուշուի ֆեդերացիայի նախագահ Տիգրան Չոբանյանը։
Խոսելով ֆեդերացիայի գործունեության մասին` Չոբանյանը նշել է, որ այն ակտիվորեն գործում է Հայաստանի բոլոր մարզերում։ «Մենք նախատեսում ենք ֆեդերացիա բացել նաև Արցախում` ակտիվորեն համագործակցելով ԼՂՀ սպորտի նախարարության հետ», – ավելացրել է Չոբանյանը։
Բացի այդ, արևելյան մենամարտերի զարգացման գործում ունեցած մեծ ներդրման և երիտասարդ սերնդի ֆիզիկական պատրաստվածության զարգացմանն աջակցելու համար Սպորտի և երիտասարդության հարցերի նախարարության շնորհակալագրերով են պարգևատրվել Հայաստանի քիք–բոքսինգի ֆեդերացիայի նախագահ Գառնիկ Հայրապետյանն ու Հայաստանի այկիդո այկիկայի ֆեդերացիայի նախագահ Արմեն Ավետիսյանը ինչպես նաև Հայաստանի «Կենտրոն» ազգային ավանդական կարատե դո ֆեդերացիայի նախագահ Սուրեն Մաթևոսյանը։
Նախարարության պատվոգրեր են հանձնվել Ռազմական թաեքվոնդոյի ֆեդերացիայի նախագահՎրեժ Խաչիկյանին, Հայաստանի մուայ թայի ֆեդերացիայի նախագահ Արտակ Բրությանին, Հայաստանի «Կիոկուշին-Կան Կարատե-դո»ֆեդերացիայի նախագահ Անդրանիկ Հակոբյանին, «Պանկրատյոն» պրոֆեսիոնալ ասոցիացիայինախագահ Արման Բուդուրյանին, «Արսենալ» սպորտային ասոցիացիայի նախագահ Վարդան Աբգարյանին, «Մարտարվեստների» ասոցիացիայի նախագահ Արտակ Մելիքյանին և «ՀԳՏՖԻ» թաեքվոնդոյի ֆեդերացիայի նախագահ Արա Սարգսյանին:
Պարգևտրման արարողությունից հետո Վարդանյանն առաջարկել է ֆեդերացիաների նախագահներին քննարկել գոյություն ունեցող խնդիրներն ու առաջիկա ծրագրերը ազատ մթնոլորտում` առանց մամուլի ներկայացուցիչների մասնակցության։
Մարտարվեստն մեծ զարգացում են ապրում Հայաստանում։ Հայ մարզիկները կանոնավոր կերպով արժանանում են եվրոպական և համաշխարհային առաջնությունների, ինչպես նաև միջազգային հեղինակավոր մրցաշարերի մեդալներին։–0–
