Արոնյանը կմասնակցի Վեյկ–ան–Զեեում կայանալիք Tata Steel գերմրցաշարին

ԵՐԵՎԱՆ, 8 հունվարի. /Նովոստի–Արմենիա/. Գրոսմայստեր Լևոն Արոնյանը կմասնակցի հունվարի 11–26–ը Հոլանդիայի Վեյկ–ան–Զեե քաղաքում կայանալիք Tata Steel գերմրցաշարին։
Արոնյանը Վեյկ–ան–Զեեում անցկացված մրցաշարերի բազմակի հաղթող է (2007, 2008 և 2012 թթ.)։ 

Այս տարի կանցկացվի ոչ թե երեք, ինչպես նախորդ տարի, այլ երկու շրջանակային մրցաշար, որոնցից առաջինը կոչվում է Tata Steel Masters, երկրորդը` Tata Steel Chalengers։

Tata Steel Masters–ում կմրցի 12 գրոսմայստեր շրջանակային համակարգով։ Արոնյանն ուժերը կչափի Սերգեյ Կարյակինի, Խիկարու Նակամուրայի, Ֆաբիանո Կարուանի, Բորիս Գելֆանդի, Լենյեր Դոմինգեսի, Անիշ Գիրիի, Ուեսլի Սոյի, Արկադի Նայդիչի, Պենտալա Խարիկրիշնայի, Ռիչարդ Ռապորտի, Լյուկ Վան Վելիի հետ։

Tata Steel–ի հանդիպումներին կարելի է հետևել օն–լայն ռեժիմում armchess.am կայքում հունվարի 11-13–ը, 15–ին, 17-19–ը, 21–ին, 23–ին, 25-26–ը։

Արոնյանը 2005 թվականի Շախմատի աշխարհի գավաթակիր է, Թուրինի 37-րդ (2006), Դրեզդենի 38-րդ (2008) համաշխարհային շախմատային օլիմպիադայի չեմպիոն և Ստամբուլի 40-րդ (2012) համաշխարհային շախմատային օլիմպիադաների չեմպիոն` Հայաստանի կազմում: Լինարեսի (2006) և Վեյկ-ան-Զեեի՝ 2007, 2008 և 2012 թվականների գերմրցաշարերի, Տալի՝ 2006, 2010 և 2011 թվականների հուշամրցաշարների, ինչպես նաև Ստեփանակերտի մրցաշարի հաղթող է: –0–