Երկու հայ գրոսմայստերները Մոսկվայում կմասնակցեն «Աերոֆլոտ-օփեն-2012» փառատոնին

ԵՐԵՎԱՆ, 6 փետրվարի. /Նովոստի-Արմենիա/. Հայ գրոսմայստերներ՝ Վլադիմիր Հակոբյանը և Հրանտ Մելքումյանը, փետրվարի 7-15-ը կմասնակցեն Մոսկվայում անցկացվելիք «Աերոֆլոտ-օփեն 2012» (Aeroflot Open 2012) փառատոնի գլխավոր, A մրցաշարին, հաղորդում է armchess.am կայքը:

Հաղորդագրության համաձայն` հայ շախմատիստներից բացի, մրցաշարին կմասնակցեն ընդհանուր առմամբ շուրջ 80 գրոսմայստերներ, նրանց թվում են ռուս Եվգենի Տոմաշևսկին, իտալացի Ֆաբինո Կարուանան, վիետնամցի Լե Քուան Լիմը, վրացի Բաադուր Ջոբավան, իսպանացի Ֆրանսիսկո Վալեխո Պոնսը, հնդիկ Քրիշիան Սաշիկիրանը և այլոք:

Նաև մի խումբ հայ շախմատիստներ կմասնակցեն փառատոնի B և C մրցաշարերին:-0-