Հայ շախմատիստները շարունակում են հաղթանակների շարքը Սլովենիայում անցկացվող Եվրոպայի Գավաթին

ԵՐԵՎԱՆ, 27 սեպտեմբերի. /Նովոստի-Արմենիա/. Երևանյան «Միկա» շախմատային ակումբի տղամարդկանց և կանանց թիմերը երկրորդ հաղթանակն են տարել Եվրոպայի Գավաթի խաղերում սլովենական Ռոգաշկա Սլատինա քաղաքում, հայտնում է armchess.am-ը:
Նախօրեին երևանցի շախմատիստուհիները 4:0 հաշվով պարտության են մատնել «Օսլո Սչակսելսկապ» ակումբին և երկրորդ տուրի արդյունքներում պահպանում են առաջատարի դիրքը 7.5 միավորով:

«Միկայի» տղամարդկանց թիմը վստահ հաղթանակ է տարել «Էյնաթեն KSK47» (Բելգիա) ակումբի նկատմամբ 5:1 հաշվով և 10 միավորով զբաղեցնում է մրցաշարային աղյուսակի 11-րդ հորիզոնականը:

Մրցաշարը կշարունակվի մինչև հոկտեմբերի 1-ը:

«Միկա» տղամարդկանց ակումբի կազմում են գրոսմայստերներ Գաբրիել Սարգսյանը, Արման Փաշիկյանը, Տիգրան Լ.Պետրոսյանը, Զավեն Անդրեասյանը, Ավետիք Գրիգորյանը, Հրանտ Մելքումյանը, Ռոբերտ Հովհաննիսյանը: Կանանց թիմում խաղում են Էլինա Դանիելյանը, Խարիկա Դանավալին (Հնդկաստան), Ժու Չենը (Կատար) և Լիլիթ Մկրտչյանը: -0-