Բռնցքամարտի Հայաստանի հավաքականը, որն ուրբաթ մեկնել է Բաքու՝ Աշխարհի առաջնությանը մասնակցելու համար, անվտանգության մեջ է գտնվում, «Նովոստի-Արմենիա» գործակալությանը հայտնեցին հանրապետության Բռնցքամարտի ֆեդերացիայի մամուլի ծառայությունից:
Ավելի վաղ Ֆեդերացիան գրավոր տարբերակով անվտանգության երաշխիք էր ստացել ադրբեջանական կողմից ԱԱ-ում հավաքականի մասնակցության վերաբերյալ:
Գործակալության զրուցակիցը նշեց, որ Հայաստանի և Ռուսաստանի հավաքականները նախօրեին ժամը 03:10-ին միասին ժամանել են Բաքու, որտեղ նրանց դիմավորել են Ադրբեջանի անվտանգության ծառայության աշխատակիցները և տեղավորել են նրանց՝ հաշվի առնելով անվտանգության միջոցների ապահովումը:
ԱԱ-ին կմասնակցեն ութ հայ մարզիկներ՝ Հովհաննես Դանիելյանը (49 կգ քաշային կարգում), Հովհաննես Բոչկովը (56 կգ), Վլադիմիր Սարուխանյանը (60 կգ), Հրաչիկ Ջավախյանը (64 կգ), Սամվել Մաթևոսյանը (69 կգ), Անդրանիկ Հակոբյանը (75 կգ), Արթուր Խաչատրյանը (81 կգ) և Արմեն Սիմոնյանը (91+): -0-
