«Ինտերը» Չեմպիոնների լիգայի կիսաեզրափակչի ուղեգիրը դեռ չի ապահովել. Մոուրինյու

Ֆուտբոլի չեմպիոնների լիգայի քառորդ կիսաեզրափակչի առաջին հանդիպման ժամանակ ԲԿՄԱ-ի նկատմամբ տարած հաղթանակը «Ինտերը» կիսաեզրափակչի ուղեգիր դեռ չի ապահովել, ԲԿՄԱ-ի հետ խաղից հետո հայտարարել է Միլանի ակումբի գլխավոր մարզիչ Ժոզե Մոուրինյուն, հաղորդում է ՌԻԱ Նովոստին:

«Ես չեմ կարծում, որ մենք արդեն կիսաեզրափակչում ենք», - ասել է պորտուգալացի մասնագետը խաղից հետո կազմակերպված մամուլի ասուլիսի ժամանակ: «Դեռ շատ կարևոր խաղ է սպասվում Մոսկվայում»:

«Ինտերը» սեփական հարկի տակ նվազագույն հաշվով պարտության է մատնել ԲԿՄԱ-ին: Հանդիպման 65-րդ րոպեին միակ գոլի հեղինակն է դարձել Դիեգո Միլիտոն:

«Դժվար է ասել՝ սա լավ արդյունք է, թե վատ:  Եթե մեզ հաջողվի հաղթանակ տանել Մոսկվայում, ապա այն հիանալի արդյունք կհամարվի: Տեսնենք, թե ինչպես կընթանան մեր մարզումները պատասխան հանդիպման համար, և հատկապես այն, թե ինչպես են պատրաստվելու հանդիպմանը մեր հակառակորդները», - նշել է Մոուրինյուն:

«Ինտերի» մարզիչն ուրախ է, որ իր սաները թույլ չտվեցին ԲԿՄԱ-ին գրավել սեփական դարպասը:

«ԲԿՄԱ-ն չկարողացավ գոլ խփել, սակայն այս թիմը գրեթե միշտ գոլի հեղինակ է դառնում արտագնա խաղի ժամանակ, ինչպես դա եղավ «Մանչեսթեր Յունայթեդ», «Բեշիքթաշ» և «Սիվիլիա» թիմերի հետ հանդիպումների ժամանակ: Մենք մշտապես ճնշում էինք, թույլ չէինք տալիս հակառակորդին հակագրոհ կազմակերպել», - ասել է պորտուգալացին:

Բացի այդ, Մոուրինյուն հայտարարել է, որ իր թիմի համար Չեմպիոնների լիգայում տարած հաղթանակը այս սեզոնի գլխավոր նպատակը չէ:

«Մենք չենք պատրաստվում հրաժարվել պայքարից Իտալիայի առաջնությունում: Պարզապես մենք հանդիպումից հանդիպում ենք ընթանում: Այս սեզոնում «Ինտերն» իրեն շատ լավ է զգում Չեմպիոնների լիգայում: Մենք ոչ մեկից չենք վախենում», - ասել է «Ինտերի» մարզիչը:

Քառորդ եզրափակչի շրջանակներում ԲԿՄԱ-ի և «Ինտերի» միջև պատասխան հանդիպումը տեղի կունենա ապրիլի 6-ին Մոսկվայի «Լուժնիկի» մարզադաշտում: Հաջորդ փուլ անցնելու դեպքում ԲԿՄԱ-ն ուժերը կչափի «Արսենալի» և «Բարսելոնայի» միջև պայքարի արդյունքում հաղթած թիմի հետ:-0- Ա.Թ.