Միջազգային շախմատային դատավոր Էդուարդ Դուբովի վարկածով Արոնյանը աշխարհի 30 լավագույն շախմատիստների ցուցակում զբաղեցրել է վեցերորդ տեղը

ԵՐԵՎԱՆ, 28 հունվարի./Նովոստի-Արմենիա/. Հայ գրոսմաստեր Լևոն Արոնյանը աշխարհի 30 լավագույն շախմատիստների ցուցակում Միջազգային շախմատային դատավոր Էդուարդ Դուբովի վարկածով զբաղեցրել է վեցերորդ տեղը։

Ինչպես հաղորդում է 64.ru կայքը, լավագույն 30 շախմատիստների ցուցակը կազմվել է Տալի հուշատախտակ, Աշխարհի գավաթ, Պիչայի առաջնություն, Տորեի հուշատախտակ, Պամպլոնի, ՀԱ սուպերեզրափակիչ, Ռիլտոնի գավաթ, Ռեջիո-Էմիլիայի, Իսրայելի առաջնության, Հայաստանի առաջնության, Բելառուսի առաջնության, Վեյք-ան-Զեեյի առաջնությունների արդյունքներով։

Առաջին հինգ տեղերը զբաղեցնում են շախմատիստներ Գարի Կասպարովը (Ռուսաստան), Վիշվանաթան Անանդը (Հնդկաստան), Վլադիմիր Կրամնիկը (Ռուսաստան), Վեսելին Տոպալովը (Բուլղարիա), Aլեքսանդր Մորոզևիչը (Ռուսաստան)։

Աշխարհի լավագույն 30 շախմատիստների ցուցակում Արոնյանից բացի ընդգրկվել են ևս երկու հայ գրոսմաստերներ՝ Վլադիմիր Հակոբյանը և Սերգեյ Մովսիսյանը (որը ներկայացնում է Սլովակիան)՝ համապաատսխանաբար զբաղեցնելով 24 և 27-րդ տեղերը։--0