Corus Chess 2008 շախմատի առաջնության երրորդ փուլից հետո Արոնյանը շարունակում է գլխավորել «Ա» խումբը

ԵՐԵՎԱՆ, 15 հունվարի./Նովոստի-Արմենիա/. Հեղինակավոր Corus Chess 2008 շախմատի առաջնության, որը տեղի է ունենում Հոլանդիայի Վեյկ ան Զեեյում, երրորդ փուլից հետո հայ գրոմսատեր Լևոն Արոնյանը «Ա» խմբում 1-2 տեղերը կիսում է Մագնուս Կարռլեսոնի (Նորվեգիա) հետ։

Ինչպես երեքշաբթի «Նովոստի-Արմենիային» հաղորդեցին հանրապետության Շախմատի ֆեդերացիայից, երեք փուլերից հետո Արոնյանն ունի 2,5 միավոր։ Երրորդ մրցաշրջանում նա ոչ-ոքի խաղաց Պետեր Լեկոյի (Հունգարիա) հետ։ Չորրորդ մրցաշրջանում Արոնյանը խաղալու է Կառլեսոնի հետ։

«Բ» խմբում հայ գրոսմաստեր Սերգեյ Մովսիսյանը երրորդ մրցաշրջանում հաղթել է Միխայիլ Կրասենկովին (Լեհաստան)։ Հերթական մրցաշրջանից հետո Մովսիսյանն ունի 2 միավոր և խմբում զբաղեցնում է հինգերորդ տեղը։ Երրորդ մրցաշրջանում Գաբրիել Սարգսյանը պարտվել է Յան Նեպոմյաշչեին (Ռուսաստան)։ Մեկ միավորով Սարգսյանը զբաղեցնում է «Բ» խմբի 11-րդ տողը։

Հայ գրոսմաստեր Լևոն Արոնյանը մրցաշրջանի գործող չեմպիոնն է։ Վեյկ ան-Զեեյում (Նիդեռլանդներ) Corus Chess 2008 միջազգային շախմատի առաջնությունը տեղի է ունենում 2008թ. հունվարի 11-27-ը։

Corus Chess 2008 անցկացվում է երեք խմբերով, շրջանի համակարգով՝ 14 շախմատիստների մասնակցությամբ։ Առաջնության օրերն են հունվարի 12-15, 17-20, 22, 23, 25-27։ Ազատ օրերն են հունվարի 16,21 և 24-ը։--0—