Հայ ըմբիշը գոհ է Բաքվի աշխարհի առաջնության իր արդյունքից

Հունա-հռոմեական ոճի հայ ըմբիշ Յուրի Պատրիկեևը (մինչև 120 կգ. քաշային կատեգորիա), որը Բաքվի աշխարհի առաջնությունում նվաճել է բրոնզե մեդալ, գոհ է իր արդյունքից։ Այս մասին նա երկուշաբթի Երևանում տեղեկացրեց լրագրողներին։

«Ես շատ գոհ եմ արդյունքից, առավել ևս Ադրբեջանում բրոնզե մեդալ նվաճելը շատ բարդ էր»,-ասաց նա։ Պատրիկեևի խոսքերով, մրցումների ընթացքում հայ սպորտսմենների վրա տարբեր տիպի ճնշումներ են գործադրվել։

«Հայ սպորտսմենների յուրաքանչյուր ելույթից առաջ դահլիճը չէր թաքցնում իր դժգոհությունը»,-հավելեց Պատրիկեևը։ Սպորտսմենը չբացառեց, որ որ եթե միջազգային առաջնությունն անցկացվեր այլ երկրում, հայկական հավաքականը կարող էր նվաճել մի քանի մեդալ։

«Ամեն անգամ մենք գորգ էինք դուրս գալիս, ինչպես մարտի։ Ամեն դեպքում ես հպարտ եմ, որ Բաքվում անցկացված աշխարհի առաջնությունում բարձրացվեց հայկական դրոշը»,-ասաց նա։

Հաղթանակի ճանապարհին Հայաստանի ներկայացուցիչը հաղթել է ազերի սպորտսմենին, և երրորդ տեղի համար պայքարում հաղթել է նաև հունգար ըմբիշին։ Ըմբշամարտի աշխարհի առաջնությունը Բաքվում անցկացվեց սեպտեմբերի 17-23-ը։ Առաջնությանը մասնակցեցին 850 սպորտսմեններ։--0—