Հայաստանի ֆուտբոլի ֆեդերացիայի նախագահը նոր մարզադաշտի կառուցումը ժամանակավրեպ է համարում

ԵՐԵՎԱՆ, 7 օգոստոսի. /Նովոստի-Արմենիա/. Հայաստանի ֆուտբոլի ֆեդերացիայի նախագահ Ռուբեն Հայրապետյանը Հայաստանում նոր խոշոր մարզադաշտի կառուցումը ժամանակավրեպ է համարում։

Նրա խոսքերով, այդ մասին կարելի է մտածել, եթե Վազգեն Սարգսյանի անվան հանրապետական մարզադաշտը (նախատեսված շուրջ 15 հազ.մարդու համար) ամբողջությամբ լցվի երկրպագուներով։

«Այսօր, նկատի ունենալով երկրի տնտեսական վիճակը, և բյուջեի սահմանափակ հնարավորությունները, նոր մարզադաշտի շինարարությունը շահավետ չէ»,- նշեց Հայրապետյանը Երևանում երկուշաբթի կայացած մամուլի-ասուլիսում։

Նա հայնեց, որ Աշտարակի «ՄԻԿԱ» ակումբն արդեն կառուցում է իր մարզադաշտը, ևս մեկ մարզադաշտ կառուցվելու է Իջևանում։

Բացի այդ, նրա խոսքերով, Երևանի «Հրազդան» մարզադաշտը ողբալի վիճակում է գտնվում և նրա գործարկումն առանց լուրջ վերականգնողական աշխատանքների կարող է ողբերգական արդյունքների հանգեցնել։
 
Նրա խոսքերով, աշխատանքները աստղաբաշխական թվեր են պահանջում և այդ հարցով պետք է միայն պետությունը զբաղվի։—0—