Իտալիայի ֆուտբոլի առաջնությունը կվերսկսվի հունիսի 13-ին

ԵՐԵՎԱՆ, 15 մայիսի./Նովոստի-Արմենիա/. Իտալիայի ֆուտբոլի ֆեդերացիան որոշում է ընդունել հունիսի 13-ին վերսկսել կորոնավիրուսի պանդեմիայի պատճառով դադարեցված մրցաշրջանը, տեղեկացնում է sport.news.am-ը՝ հղում անելով Corriere dello Sport-ին:

Նշվում է, որ 1 շաբաթվա ընթացքում թիմերը 2 հանդիպում կանցկացնեն, ինչը հնարավորություն կտա օգոստոսի 2-ին ավարտել մրցաշրջանը:

Իտալիայի գավաթի խաղարկության հանդիպումները կանցկացվեն հուլիսին, իսկ Չեմպիոնների լիգայի ու Եվրոպայի լիգայի հանդիպումները՝ օգոստոսին:

Իտալիայում թիմերը մայիսի 18-ից կվերսկսեն խմբային մարզումները։ Հիմա ֆուտբոլիստները մարզվում են անհատական ծրագրերով։

Իտալիայի առաջնությունը դադարեցված է մարտի 9-ից։-0-