ԵՐԵՎԱՆ, 12 սեպտեմբերի. /Նովոստի-Արմենիա/. Պատգամավոր Մխիթար Հայրապետյանը մտադիր է դպրոցներում շախմատի ուսուցման առավելությունների և թերությունների խորհրդարանական քննարկում նախաձեռնել:
« Հաշվի առնելով այն հանգամանքը, որ վերջին շրջանում շախմատիստների, ինչպես նաև դպրոցականների ծնողների կողմից մի շարք մտահոգություններ ենք ստացել «Շախմատ» առարկայի հետ կապված, առաջիկայում ԱԺ ԿԳՄՍՍԵ հարցերի մշտական հանձնաժողովում բազմակողմանի քննարկումներ ենք նախատեսում անցկացնել սույն հարցի վերաբերյալ»,- հինգշաբթի իր Ֆեյսբուքումգրել է Հայրապետյանը, ով գլխավորում է Ազգային ժողովում տվյալ հանձնաժողովը:
Քննարկման ենթակա հարցերի թվում նա նշել է շախմատ դասընթացի իրականացման գործառութային նշանակությունը, բնագավառի ծախսային արդյունավետությունը, արդի տեխնոլոգիաների ինտեգրումը շախմատ դասընթացի պատրաստման և գնահատման գործընթացներում, որոնք կնպաստեն երեխաների առավել մոտիվացմանը, շախմատի առարկայի պարտադիր և/կամ կամավոր լինելու առավելությունները և թերությունները և այլն:
Հայկական հանրակրթական դպրոցներում աշակերտները շախմատ են սովորում 2-4 դասարաններում: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում