Ռոնալդուն հեռանում է «Յուվենտուսից»

ԵՐԵՎԱՆ, 27 օգոստոսի./Նովոստի–Արմենիա/. «Յուվենտուսի» հարձակվող Կրիշտիանու Ռոնալդուն մոտ ժամանակներս կհեռանա ակումբից, հայտնում է armsport–ը` հղում անելով Sky Sport-ին։

Աղբյուրի փոխանցմամբ, պորտուգալացին արդեն իր իրերը վերցրել է ակումբի բազայի իր պահարանից և այսօր՝ օգոստոսի 27-ին, հրաժեշտ կտա թիմակիցներին։

Հաղորդվում է, որ Ռոնալդուի տրանսֆերի հիմնական հավակնորդը «Մանչեսթեր Սիթին» է։ Ավելին, պորտուգալացի լրագրող Գոնսալու Մենդեշը հայտնում է, որ գործարքն արդեն ավարտվել է։

Ըստ լուրերի, անգլիական ակումբը Ռոնալդուին մինչև 2023 թվականը նախատեսված պայմանագիր է առաջարկել։–0–