447.29
7.53
425.3
-273
Եղանակը Երևանում
Հայ

Հայաստանի ֆուտբոլի հավաքականն իր պատմության ամենախոշոր հաշվով պարտությունը կրեց

00:22
30 Մարտի 2022

ԵՐԵՎԱՆ, 30 մարտի./Նովոստի-Արմենիա/. Հայաստանի ազգային հավաքականը Օսլոյում ընկերական խաղ անցկացրեց Նորվեգիայի ընտրանու հետ ու գոլառատ խաղում 9 անպատասխան գնդակ ընդունեց սեփական դարպասը, հաղորդում է armsport-ը։

Միայն առաջին կեսում նորվեգացիները 5 անգամ ստիպեցին մեր թիմին խաղը սկսել դաշտի կենտրոնից։

Նախ,17-րդ րոպեին մրցակցի հարձակվող Էրլինգ Հոլանդը դաշտի կենտրոնից գնդակով առաջ ընթացավ՝ շրջանցելով Էդուարդ Սպերցյանին, Վարազդատ Հարոյանին, Ստյոպա Մկրտչյանին, ապա Արման Հովհաննիսյանը կանոնների կոպիտ խախտումով սահանկումով կասեցրեց նորվեգացու առաջընթացը։ Մրցավարը Հովհաննիսյանին ուղիղ կարմիր քարտով հեռացրեց խաղադաշտից՝ մեր թիմին թողնելով տասը հոգով։ Արման Հովհաննիսյանը, կարծես, վնասվածք ստացավ, նա խաղադաշտը լքեց պատգարակի վրա։

Կապառոսը Էրիկ Վարդանյանի փոխարեն դաշտ դուրս բերեց Կամո Հովհաննիսյանին։

Խաղի 23-րդ րոպեին տանտերերի կազմում Հոլանդը արդեն աչքի ընկավ գոլով։ Մեր տուգանայինի մատույցներում Սպերցյանը կորցրեց գնդակը, այն հասավ դարպասին մոտ գտնվող Հոլանդին, որը գնդակին թեթև հպումով գրավեց Յուրչենկոյի դարպասը։

29-րդ րոպեից մղձավանջ սկսվեց մեր դարպասի մոտ․ Կամո Հովհաննիսյանի խախտումից հետո մրցավարը 11-մետրանոց նշանակեց մեր թիմի դարպասին,գնդակին մոտեցած Ջոշուա Քինգը այն ուղարկեց ուղիղ ցանցի մեջ։

Ընդամենը մեկ րոպե անց Քրիստիան Տորստվեդտը խառը իրադրությունում փոխանցում ստացավ Հոլանդից ու հաշիվը դարձրեց 3-0:

4 րոպե անց Էդեգորի իրացրած անկյունայինից հետո Քինգը դուբլ ձևակերպեց։

35-րդ րոպեին Կապառոսը եռակի փոփոխության դիմեց․ Էդուարդ Սպերցյանին փոխարինեց Գևորգ Ղազարյանը, Սոլոմոն Ուդոյին՝ Հովհաննես Հարությունյանը, իսկ Վահան Բիչախչյանին՝ Հովհաննես Նազարյանը։

Իսկ Հոլանդը առաջին կեսին ավելացված առաջին րոպեին փոխանցում ստացավ Տորստվեդտից ու շրջանցելով մեր թիմի պաշտպաններին ևս մեկ անգամ գրավեց Յուրչենկոյի դարպասը։ Նորվեգացին այս գոլի ընթացքում վնասվածք ստացավ և, գուցե, երկրորդ կեսում դաշտ դուրս չգա։

Երկրորդ կեսում Հոլանդը խաղադաշտ դուրս չեկավ, բայց նորվեգացիները կրկին գոլային հրավառություն կազմակերպեցին։ 58-րդ րոպեին անկյունայինի խաղարկումից հետո գնդակը կարծես պատահաբար դիպավ Քինգին ու հայտնվեց Յուրչենկոյի դարպասում։ Սա ֆուտբոլիստի 3-րդ գոլն էր այս խաղում։ Ի դեպ, Քինգն առաջին հեթ-տրիկն է գրանցում հավաքականի կազմում։

Երկրորդ կեսում մեր թիմի կազմում Խորեն Բայրամյանի փոխարեն խաղը շարունակեց Արտյոմ Ավանեսյանը։

Խաղի հիմնական ժամանակի ավարտից տասը րոպե առաջ Մատս Դելին խփեց իր թիմի 7-րդ գոլը։

6 րոպե անց Սորլոտը հաշիվը դարձրեց 8-0, իսկ հիմնական ժամանակին ավելացված առաջին րոպեին նա դուբլ ձևակերպեց՝ դնելով խաղի վերջակետը։

Այսպիսով, Հայաստանի հավաքականը կրեց իր պատմության ամենախոշոր հաշվով պարտությունը։-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
15:30
15 Հունիսի 2022
Փաշինյանը FIFA–ի նախագահի հետ քննարկել է միջազգային չափանիշներին համապատասխան ազգային մարզադաշտի կառուցումը
Փաշինյանը FIFA–ի նախագահի հետ քննարկել է միջազգային չափանիշներին համապատասխան ազգային մարզադաշտի կառուցումը
18:03
13 Հունիսի 2022
ՖԻՖԱ-ի և ՈՒԵՖԱ-ի նախագահները կժամանեն Հայաստան
ՖԻՖԱ-ի և ՈՒԵՖԱ-ի նախագահները կժամանեն Հայաստան
17:56
04 Հունիսի 2022
Հայկական ֆուտբոլի լեգենդները վերադառնում են. Հայաստանի և Վրաստանի հավաքականները Երևանում կանցկացնեն հրաժեշտի հանդիպում
Հայկական ֆուտբոլի լեգենդները վերադառնում են. Հայաստանի և Վրաստանի հավաքականները Երևանում կանցկացնեն հրաժեշտի հանդիպում
09:48
02 Հունիսի 2022
Ռաֆիկ Հարությունյանը հռչակվեց ծանրամարտի Եվրոպայի չեմպիոն
Ռաֆիկ Հարությունյանը հռչակվեց ծանրամարտի Եվրոպայի չեմպիոն
19:41
31 Մայիսի 2022
Հայ գրոսմայստեր Մարիա Գևորգյանը հաղթել է Աբի Դաբիում անցկացված շախմատի կայծակնային մրցաշարում (ՖՈՏՈ)
Հայ գրոսմայստեր Մարիա Գևորգյանը հաղթել է Աբի Դաբիում անցկացված շախմատի կայծակնային մրցաշարում. ՖՈՏՈ
10:54
31 Մայիսի 2022
Հայաստանը 2023թ.–ին կընդունի Ծանրամարտի աշխարհի առաջնությունը. Փաշինյան
Հայաստանը 2023թ.–ին կընդունի Ծանրամարտի աշխարհի առաջնությունը
19:56
30 Մայիսի 2022
Բաչկովը Եվրոպայի բռնցքամարտի առաջնության եռակի չեմպիոն է` գրանցելով պատմական արդյունք հայկական բռնցքամարտիպատմության մեջ
Բաչկովը Եվրոպայի բռնցքամարտի առաջնության եռակի չեմպիոն է` գրանցելով պատմական արդյունք հայկական բռնցքամարտիպատմության մեջ
19:41
30 Մայիսի 2022
Բռնցքամարտիկ Արթուր Բազեյանը հռչակվեց Եվրոպայի փոխչեմպիոն
Բռնցքամարտիկ Արթուր Բազեյանը հռչակվեց Եվրոպայի փոխչեմպիոն
21:46
26 Մայիսի 2022
Հենրիխ Մխիթարյանը կփոխի ակումբը. ԶԼՄ
Հենրիխ Մխիթարյանը կփոխի ակումբը
11:07
26 Մայիսի 2022
Հայկական եռագույնը` հաղթական հանդիպմանը. Հենրիխ Մխիթարյանի «Ռոման» դարձել է Կոնֆերենցիաների լիգայի գավաթակիր (ՖՈՏՈ, ՎԻԴԵՈ)
Հայկական եռագույնը`  հաղթական հանդիպմանը. Հենրիխ Մխիթարյանի «Ռոման» դարձել է Կոնֆերենցիաների լիգայի գավաթակիր. ՖՈՏՈ, ՎԻԴԵՈ
15:01
16 Մայիսի 2022
44-օրյա պատերազմում երկու ոտքը կորցրած Սարգիս Հարությունյանը հռչակվել է Բազկամարտի Եվրոպայի չեմպիոն` հաղթելով թուրք մարզիկին (ՖՈՏՈ, ՎԻԴԵՈ)
44-օրյա պատերազմում երկու ոտքը կորցրած Սարգիս Հարությունյանը հռչակվել է Բազկամարտի Եվրոպայի չեմպիոն` հաղթելով թուրք մարզիկին. ՖՈՏՈ, ՎԻԴԵՈ
22:05
08 Մայիսի 2022
Ծանրորդ Գարիկ Կարապետյանը հռչակվեց երիտասարդների աշխարհի չեպիոն
Ծանրորդ Գարիկ Կարապետյանը հռչակվեց երիտասարդների աշխարհի չեպիոն