ԵՐԵՎԱՆ, 13 ապրիլի. /Նովոստի Արմենիա/. Նիոնում գտնվող ՈՒԵՖԱ-ի գլխամասային գրասենյակում կայացել է Եվրոպա լիգայի 1/2 եզրափակչի վիճակահանությունը, որի արդյունքով Լոնդոնի «Արսենալը» կխաղա Մադրիդի «Աթլետիկոյի» հետ:
Загружается новость ... "Лево"
Կիսաեզրափակչի մասնակիցներն են նաև Մարսելի «Օլիմպիկը» ու ավստրիական «Ռեդ Բուլ Զալցբուրգը»: Կիսաեզրափակչի առաջին հանդիպումները կկայանան ապրիլի 26-ին, իսկ պատասխանը` մայիսի 3-ին: Մրցաշարի վճռորոշ հանդիպումը կկայանա մայիսի 16-ին Լիոնի «Պարկ Օլիմպիկ Լիոնե» մարզադաշտում:
«Արսենալի» կիսապաշտպան Հենրիխ Մխիթարյանը, ով ծնկի վնասվածք է ստացել Եվրոպա լիգայի ¼ եզրափակչում Մոսկվայի ԲԿՄԱ–ի հետ առաջին խաղում, կարող է հասցնել ապաքինվել մինչև վերջին խաղը: Նա կարող է դաշտ դուրս գալ, եթե «Արսենալը» դուրս գա եզրափակիչ:
Մխիթարյանի վերադարձի ժամկետների մասին նախօրեին խոսել է նաև «Արսենալի» գլխավոր մարզիչ Արսեն Վենգերը, ով նշել է, որ կիսապաշտպանը շուտով կապաքինվի ու երկու շաբաթից կկարողանա վերադառնալ դաշտ:–0–