«Ռեալը»` Չեմպիոնների լիգայի 11–ակի գավաթակիր (ՏԵՍԱՆՅՈւԹ)

ԵՐԵՎԱՆ, 29 մայիսի./Նովոստի–Արմենիա/. Մադրիդի «Ռեալը» կիրակի 11 մետրանոց հարվածաշարերի արդյունքում հաղթեց «Ատլետիկոյին» Չեմպիոնների լիգայի եզրափակչում` 11–րդ անգամ դառնալով Չեմպիոնների լիգայի գավաթակիր։   

Միլանի «Սան Սիրո» մարզադաշտում կայացած հանդիպման հիմնական և լրացուցիչ ժամանակն ավարտվեց 1։1 հաշվով։ Խաղի 15–րդ րոպեին հաշիվը բացեց թագավորական ակումբի պաշտպան Սերխիո Ռամոսը։ Հանդիպման ավարտից 11 րոպե առաջ Կարասկոն խփեց պատասխան գնդակը։

11 մետրանոց հարվածաշարերի արդյունքում «Ռեալը» հաղթեց 5։3 հաշվով։–0–