Լևոն Արոնյանը ոչ–ոքի է խաղացել ՖԻԴԵ–ի Գրան–պրիի եզրափակիչ փուլում և պահպանում է առաջատարի դիրքը

ԵՐԵՎԱՆ, 20 նոյեմբերի. /Նովոստի–Արմենիա/. Լևոն Արոնյանը 5–րդ տուրում ոչ–ոքի է խաղացել չինացի շախմատիստ Դին Լիժենի հետ Իսպանիայում անցկացվող ՖԻԴԵ–ի Գրան–պրիի եզրափակիչ` չորրորդ փուլում։

Արոնյանը 3,5 միավորով գլխավորում է մրցաշարային աղյուսակը։

Նախորդ չորս հանդիպումներում Արոնյանը հաղթել է հոլանդացի Անիշ Գիրիին և ռուս Էռնեստո Ինարկիևին, ոչ–ոքի է խաղացել ֆրանսիացի Մաքսիմ Վաշիե–Լագրավի և ռուս Դմիտրի Յակովենկոյի հետ։

Մրցաշարն անցկացվում է շվեյցարական համակարգով (9 տուր)։ Բացի Արոնյանից, մրցաշարին մասնակցում են Խիկարու Նակամուռան (ԱՄՆ), Մաքսիմ Վաշիե–Լագրավը (Ֆրանսիա), Անիշ Գիրին (Հոլանդիա), Պետեր Սվիդլերը (ՌԴ), Դին Լիժենը (Չինաստան), Բորիս Գելֆանդը (Իսրայել), Լի Չաոն (Չինաստան), Թեյմուր Ռաջաբովը (Ադրբեջան), Պենտալա Խարիկրիշնան (Հնդկաստան), Պավել Էլյանովը (Ուկրաինա), Ֆրանսիսկո Վալիեխո–Պոնսը (Իսպանիա), Եվգենի Տիմոշևսկին (ՌԴ), Ռիխարդ Ռապորտը (Հունգարիա), Ալեքսանդր Ռյազանցևը (ՌԴ), Յոն Լուդվիգ Համերը (Նորվեգիա), Դմիտրի Յակովենկոն (ՌԴ) և Էռնեստո Ինարկիևը (ՌԴ)։ –0–