ԵՐԵՎԱՆ, 12 փետրվարի. /Նովոստի–Արմենիա/. Պրոֆեսիոնալ բռնցքամարտի աշխարհի բազմակի չեմպիոն Արթուր Աբրահամը անձնական գործերով եկել է Երևան և այստեղ կմնա մեկ շաբաթ, հաղորդում է ՀԱՕԿ մամուլի ծառայությունը։
Загружается новость ... "Лево"
Անվանի բռնցքամարտիկը ներկա է գտնվել բռնցքամարտի Հայաստանի երիտասարդական առաջնության եզրափակիչ մենամարտերին։
ՀԱՕԿ լրատվականի հետ զրույցում Աբրահամը հայտնել է, որ բավականին երկար ժամանակ ռինգում չեմ եղել:
«Դադար էինք տվել: Հանգստանում էի: Շատ շուտով սկսելու եմ նախապատրաստվել հաջորդ մենամարտին, որը կայանալու է ապրիլի 28-ին, բայց մրցակիցս դեռ հայտնի չէ», – նշել է Աբրահամը։
Загружается новость ...
"Право"
38-ամյա Աբրահամն արդեն մտածում է պրոֆեսիոնալ բռնցքամարտիկի կարիերան ավարտելու մասին.
«Ինձ թվում է՝ երկու-երեք մենամարտից հետո ես էլ կավարտեմ ակտիվ կարիերաս: Բայց սպորտից չեմ հեռանա: Հնարավոր է՝ բռնցքամարտի մենեջեր լինեմ, զբաղվեմ իմ անձնական գործերով», - ասել է «Արթուր Արքան»:–0–