ԵՐԵՎԱՆ, 30 մարտի. /Նովոստի–Արմենիա/. Հայաստանի հավաքականի ու «Ռայո Վալեկանոյի» կիսապաշտպան Արաս Օզբիլիզը կորցրել է իր ուղեբեռը Երևանից Մադրիդ վերադառնալիս։
Ֆուտբոլիստը խնդրում է օգնել գտնել այն։
«Մարտի 26–ին Երևանից վերադառնում էի Մադրիդ։ Ճանապարհին ինքնաթիռը վայրէջք կատարեց Մոսկվայում։ Երբ հասա Մադրիդ, ինձ ասացին, որ ուղեբեռս ժամանակին չի հասել», – գրում է Օզբիլիսը
Instagram–ի իր էջում։
Նա նշում է, որ Մադրիդի օդանավակայանում նրան ասել են, որ հենց հաջորդ օրն ուղեբեռը կբերեն իր տուն։
«Հաջորդ օրը, իսկապես, վարորդը եկավ, բայց նրա բերած ուղեբեռը իմը չէր։ Դրանից հետո ես կրկին զանգահարեցի տեղեկատվական կենտրոն և արդեն երեք օր է` սպասում եմ ուղեբեռիս։ Ինչ–որ մեկը վերցրել է այն, խնդրում եմ օգնեք գտնել։ Ուղեբեռումս շատ կարևոր իրեր կան։ Ահա ուղեբեռիս նկարը, խնդրում եմ օգնեք», – գրել է ֆուտբոլիստը։ -0-