Մեր մոլորակի համար ամենավտանգավոր ժամանակն է. Սթիվեն Հոքինգ

ԵՐԵՎԱՆ, 3 դեկտեմբերի. /Նովոստի–Արմենիա/. Բրիտանացի ֆիզիկոս–տեսաբան Սթիվեն Հոքինգը կարծում է, որ այժմ «մեր մոլորակի ամենավտանգավոր ժամանակն է»։

Ինչպես գրում է Lenta.ru–ն, համապատասխան վերնագրով հոդվածը հրապարակել է The Guardian–ը։

Հոդվածում ֆիզիկոսն ընթերցողի ուշադրությունը հրավիրում է վերնախավերի, մասնավորապես, քաղաքական գործիչների և միջին ու աշխատավոր դասակարգի միջև աճող տարբերությունը։ Ըստ նրա, արտադրության ռոբոտացումը, մեծ եկամուտներ ստանալու անհրաժեշտությունը մեծ թվով մարդկային ռեսուրսների օգտագործմամբ հանգեցնում է հասարակության տարբեր խմբերի միջև թյուրըմբռնմանը։

«Համացանցը և այդ ամենը հնարավոր դարձնող հարթակները թույլ են տալիս մարդկանց ոչ մեծ խմբերին մեծ շահույթ ստանալ քիչ թվով մարդկանց աշխատանքի ընդունելու դեպքում։ Դա անխուսափելի է, դա առաջընթաց է, բայց նաև սոցիալապես քայքայիչ է»,– գրում է գիտնականը։

ԱՄՆ–ի նախագահական ընտրությունների արդյունքները և Մեծ Բրիտանիայում Brexit–ի անցկացումը, ըստ Հոքինգի, ժամանակակից հասարակության փոփոխությունները չընդունող մարդկանց պատճառով էր։ «Ես զգում եմ, թե ինչպես է փղոսկրե իմ աշտարակը, կարծես, ավելի բարձր դառնում»,– գրում է գիտնականը։

Նշված խնդիրները, ըստ գիտականի, հնարավոր է լուծել բոլոր երկրների և հասարակության բոլոր խավերի համատեղ ջանքերի շնորհիվ։ «Հնարավոր է` մի քանի հարյուր տարիների ընթացքում մենք այլ աստղերի վրա մարդկանց գաղութներ ստեղծենք, բայց այժմ ունենք միայն մեկ մոլորակ և պետք է աշխատենք միասին` այն պաշտպանելու համար,– գրում է Հոքինգը։ – Դա իրականացնելու համար մենք պետք է կոտրել, այլ ոչ թե մեծացնել մեր ներսում և երկրների միջև գոյություն ունեցող պատնեշները»։ -0-