ԵՐԵՎԱՆ, 7 փետրվարի. /Նովոստի–Արմենիա/. Հայտնի մոդել Վիկտորիա Լոպիրյովան լույս աշխարհ է բերել իր առաջնեկին Մայամիի կլինիկաներից մեկում, գրում է 7Days ամսագիրը։
Նորածնի հասակն ու քաշը չի նշվում, սակայն հայտնի է, որ տղան առողջ է և ամուր, մայրիկն էլ իրեն լավ է զգում։ Երեխայի հայրը` գործարար Իգոր Բուլատովը, շատ երջանիկ է։
Загружается новость ... "Лево"
Ավելի վաղ Լոպիրյովան նշել է, որ որոշել է ծննդաբերել ԱՄՆ–ում կլիմայական պայմանների պատճառով։ Նա ցանկանում է, որ իր կյանքի առաջին օրերը երեխան անցկացնի կլիմայական տաք պայմաններում։
Հիվանդանոցի ընտրության հարցում Լոպիրյովան խորհրդակցել է իր անձնական միկրոբլոգի բաժանորդների հետ։ Մեկնաբանություններում Վիկտորիային ոչ միայն առաջարկել են մի քանի լավ կլինիկաներ, այլև պատմել են տան պայմաններում բնական ծննդաբերության դրական կողմերի մասին։ Մոդելն, իհարկե, նման փորձարկման չի դիմել` որոշելով ռիսկի տակ չդնել ոչ միայն իր, այլև երեխայի առողջությունը։–0–
