ԵՐԵՎԱՆ, 14 հունվարի./Նովոստի–Արմենիա/. 35–ամյա մոդել Վիկտորիա Լոպիրյովային, ով շուտով առաջին անգամ մայր է դառնալու, գաղտնի է պահում ապագա երեխայի հոր անունը։ Սակայն հայտնի է, որ Լոպիրյովայի երեխայի հայրը Իգոր Բուլատովն է, ով «Տաշիր» ընկերությունների խմբի նախկին փոխնախագահն է, գրում է cosmo.ru–ն։
Նախորդ շաբաթ պապարացիները լուսանկարել են Լոպիրյովային իր սիրեցյալի հետ, երբ նրանք գրկախառնվել և համբուրվել են Մայամիում։ Իգորն ամուսնացած է եղել «Տաշիր» ընկերության նախագահ Սամվել Կարապետյանի դստեր` Տաթևիկի հետ, նրանք ունեն երկու երեխա, որոնցից կրտսերը յոթ ամսական է։
Համարվում է, որ Բուլատովի ամուսնությունը ձախողվել է հենց Լոպիրյովայի պատճառով։ Instagram–ում սկսել են քննադատել մոդելին` անվանելով նրան բաժանող։ 32–ամյա հեռուստաաստղ Օլգա Բուզովան ևս քննադատաել է Վիկտորիային, ով երկար ժամանակ ընկերություն է արել Կարապետյանի ընտանիքի հետ։
«Քնել ամուսնացած տղամարդու հետ ստորություն է», – գրել է Բուզովան։
Մոդելին քննադատել է նաև 47–ամյա Անդրեյ Մալախովը։ Հեռուստահաղորդավարը գրել է, որ ցնցված է ստեղծված իրավիճակով, այդ պատճառով խզել է կապերը Լոպիրյովայի հետ։
«Վիկտորիա, ես չգիտեմ, թե ումից է երեխան, սակայան համացանցում տարածված լուսանկարն ինձ մոտ շոկ է առաջացրել։ Կներես, ես անջատում եմ քո էջի բաժանորդագրությունը», – գրել է Մալախովը։
Վիկտորիան իր հերթին չի պատասխանել քննադատություններին, առավել կոշտերը նա պարզապես հեռացրել է։–0–
