ՀՀ–ում ՌԴ դեսպանություն. անհայտ կորած զինծառայողների հայտնաբերման հարցը գտնվում է ՌԴ բարձրագույն ղեկավարության ուշադրության կենտրոնում
01.12.2020,
23:05
ՀՀ–ում ՌԴ դեսպանությունը ստանում է բազմաթիվ դիմումներ Ղարաբաղում մարտական գործողությունների ընթացքում անհայտ կորած զինծառայողների հայտնաբերման և զոհվածների մարմինները հարազատներին փոխանցելու վերաբերյալ
![ՀՀ–ում ՌԴ դեսպանություն. անհայտ կորած զինծառայողների հայտնաբերման հարցը գտնվում է ՌԴ բարձրագույն ղեկավարության ուշադրության կենտրոնում ՀՀ–ում ՌԴ դեսպանություն. անհայտ կորած զինծառայողների հայտնաբերման հարցը գտնվում է ՌԴ բարձրագույն ղեկավարության ուշադրության կենտրոնում](/upload/iblock/1da/1xpmowe8v24r0xnuhbg4bjt7j7sod6nq.jpg)
ԵՐԵՎԱՆ, 1 դեկտեմբերի./Նովոստի–Արմենիա/. ՀՀ–ում ՌԴ դեսպանությունը ստանում է բազմաթիվ դիմումներ Լեռնային Ղարաբաղում մարտական գործողությունների ընթացքում անհայտ կորած զինծառայողների հայտնաբերման և զոհվածների մարմինները հարազատներին փոխանցելու վերաբերյալ, նշվում է դիվանագիտական առաքելության Facebook–յան էջում։
«Լիովին կիսում ենք մարդկային մեծ ողբերգությանը բախված ընտանիքների տագնապն ու վիշտը: Ռուսաստանի խաղաղապահ զորախումբը և հումանիտար արձագանքման միջգերատեսչական կենտրոնն անմիջականորեն ներգրավված են այդ սուր խնդրի լուծմանը՝ սերտ համագործակցելով Հայաստանի Հանրապետության և Ադրբեջանի Հանրապետության իրավասու մարմինների, ինչպես նաև լիազորված միջազգային կազմակերպությունների հետ», – նշվում է դեսպանատան հայտարարության մեջ:
Նշվում է նաև, որ այս հարցը գտնվում է Ռուսաստանի Դաշնության բարձրագույն ղեկավարության ուշադրության կենտրոնում, որը հատուկ նշանակություն է տալիս 2020 թվականի նոյեմբերի 9-ի եռակողմ հայտարարության դրույթների համապարփակ իրականացմանը։
«Հիշեցնում ենք, որ այս ողբերգական իրավիճակում հայտնվածներին օգնելու համար Հայաստանի Հանրապետության պաշտպանության նախարարության կողմից ստեղծվել է Լեռնային Ղարաբաղի հակամարտության ընթացքում զոհված, անհայտ կորած և գերեվարված զինծառայողների և այլ անձանց վերաբերյալ տեղեկատվության հավաքման և մշակման հատուկ հանձնաժողով: Կոնտակտային տվյալներ` ք. Երևան, Ուլնեցու 56/5, «Թեժ գծի» հեռախոսահամար - 81-35», – նշվում է հաղորդագրության մեջ։
Կիրակի ՀՀ մշակույթի գործիչները երթ էին կազմակերպել` աջակցելով անհայտ կորած և զոհված զինծառայողների հարազատներին։ Նրանք նամակ էին փոխանցել ՀՀ–ում ՌԴ դեսպանատանը` խնդրելով օգնել վերադարձնել Ադրբեջանում գտնվող հայ գերիներին։–0–
Загружается новость ... "Лево"
«Լիովին կիսում ենք մարդկային մեծ ողբերգությանը բախված ընտանիքների տագնապն ու վիշտը: Ռուսաստանի խաղաղապահ զորախումբը և հումանիտար արձագանքման միջգերատեսչական կենտրոնն անմիջականորեն ներգրավված են այդ սուր խնդրի լուծմանը՝ սերտ համագործակցելով Հայաստանի Հանրապետության և Ադրբեջանի Հանրապետության իրավասու մարմինների, ինչպես նաև լիազորված միջազգային կազմակերպությունների հետ», – նշվում է դեսպանատան հայտարարության մեջ:
Նշվում է նաև, որ այս հարցը գտնվում է Ռուսաստանի Դաշնության բարձրագույն ղեկավարության ուշադրության կենտրոնում, որը հատուկ նշանակություն է տալիս 2020 թվականի նոյեմբերի 9-ի եռակողմ հայտարարության դրույթների համապարփակ իրականացմանը։
«Հիշեցնում ենք, որ այս ողբերգական իրավիճակում հայտնվածներին օգնելու համար Հայաստանի Հանրապետության պաշտպանության նախարարության կողմից ստեղծվել է Լեռնային Ղարաբաղի հակամարտության ընթացքում զոհված, անհայտ կորած և գերեվարված զինծառայողների և այլ անձանց վերաբերյալ տեղեկատվության հավաքման և մշակման հատուկ հանձնաժողով: Կոնտակտային տվյալներ` ք. Երևան, Ուլնեցու 56/5, «Թեժ գծի» հեռախոսահամար - 81-35», – նշվում է հաղորդագրության մեջ։
Կիրակի ՀՀ մշակույթի գործիչները երթ էին կազմակերպել` աջակցելով անհայտ կորած և զոհված զինծառայողների հարազատներին։ Նրանք նամակ էին փոխանցել ՀՀ–ում ՌԴ դեսպանատանը` խնդրելով օգնել վերադարձնել Ադրբեջանում գտնվող հայ գերիներին։–0–