Գերությունից ազատված Մարալը պատմում է դժոխային օրերի և իր զգացողությունների մասին (ՎԻԴԵՈ)

ԵՐԵՎԱՆ, 11 մարտի./Նովոստի–Արմենիա/. Լիբանանահայ Մարալ Նաջարյանը, ով վերադարձել է ադրբեջանական գերությունից, պատմել է Ադրբեջանում անցկացված դժոխային օրերի և իր զգացողությունների մասին։

Մարալ Նաջարյանը Լիբանանի և Հայաստանի քաղաքացի է։ 2020թ.–ի օգոստոսին Բեյրութի նավահանգստում տեղի ունեցած պայթյունից հետո իր հարազատների հետ տեղափոխվել էր Հայաստան, այնուհետև բնակություն հաստատել Շուշիում։ Նաջարյանը հայտնվել էր ադրբեջանական գերության մեջ նոյեմբերի 10–ին Բերձորում (Լաչին), երբ գնացել էր Արցախ` անձնական իրերն ու գույքը վերցնելու համար։ Մարալի ազատ արձակումը հնարավոր է դարձել ռուս ընկերների` Մոսկվայի իշխանությունների ներկայացուցիչների և ՌԴ Դաշնային խորհրդի նախագահ Վալենտինա Մատվիենկոյի շնորհիվ։

Մարալը պատմում է, որ Ադրբեջանում գտնվելու ընթացքում մտածում էր, որ այլևս երբեք չի տեսնի երեխաներին, մտածում էր, որ երբեք ազատության մեջ չի գտնվի։

Նա պատմում է, որ Կարմիր Խաչի ներկայացուցիչների ուղեկցությամբ տեղափոխվել է օդանավակայան, նրան տվել են լիբանանյան անձնագիրը, ու նա մեկնել է Ստամբուլ, որտեղ 11 ժամ սպասել է դեպի Լիբանան թռիչքին։–0–