Ռուսաստանը 2011 թ.-ի ինը ամիսների արդյունքում դարձել է Հայաստանի ամենախոշոր ներդրողը

ԵՐԵՎԱՆ, 5 դեկտեմբերի. /Նովոստի-Արմենիա/. Ռուսաստանը 2011 թ.-ի ինը ամիսների արդյունքում զբաղեցնում է առաջին տեղը Հայաստանի տնտեսության իրական հատված ուղղված ներդրումների ծավալով,  «Նովոստի-Արմենիա» գործակալությանը տեղեկացրեցին ՀՀ ազգային վիճակագրական ծառայությունից:

Վիճակագրական տվյալների համաձայն՝ Հայաստանում ռուսական ներդրումների ներհոսքը, 2010 թ.-ի նույն ժամանակահատվածի համեմատ, ավելացել է 48,3 տոկոսով և կազմել շուրջ 283,8  մլն դոլար, միաժամանակ ուղիղ ներդրումների ծավալը հասել 267,3 մլն դոլարի՝ ավելանալով 80,4 տոկոսով:

Վիճակագրական ծառայության տեղեկատվության համաձայն՝ Ռուսաստանի ներդրողներին բաժին է ընկել Հայաստանի իրական հատված արտասահմանյան ներդրումների ողջ ծավալի 48,4 տոկոսը և ուղիղ ներդրումների 57,8 տոկոսը։

Ռուս ներդրողներն իրենց միջոցների 24,8 տոկոսը (145,4 մլն դոլար)  ուղղել են հիմնական մետաղների արտադրության ոլորտ, 11,9 տոկոսը (69,7 մլն դոլար)՝ էլեկտրաէներգիայի, գազի, տաք ջրի և ջեռուցման արտադրության և տեղաբաշխման ոլորտ և 5,7 տոկոսը (33,4 մլն դոլար)՝ կապի (հեռահաղորդակցություն) ոլորտ։

Հայաստանի տնտեսությունում այս տարվա ինը ամսվա ընթացքում օտարարկրյա ներդրումների ընդհանուր ծավալը կազմել է 586,7  միլիոն դոլար, որից 462,5 միլիոն դոլարն իրական հատված ուղիղ ներդրումներն են։ -0-