Երևանի գործարաններից մեկում կախված տղամարդու դիակ են գտել. ԱԻՆ
22.08.2011,
16:25
Երևանի գործարաններից մեկում կախված տղամարդու դիակ են գտել. ԱԻՆ
Երևանի «Հայէլեկտրո» գործարանի տարածքում կախված տղամարդու դիակ է հայտնաբերվել, երկուշաբթի «Նովոստի-Արմենիա» գործակալությանը հաղորդեցին հանրապետության ԱԻՆ փրկարար ծառայությունից։
«Օգոստոսի 21-ին վաղ առավոտյան ահազանգ է ստացվել, որ Երևան քաղաքի Մանանդյան փողոցում` «Հայէլեկտրո» գործարանի տարածքում, քաղաքացի է կախվել աշտարակից, և նրան իջեցնելու համար անհրաժեշտ է փրկարարների օգնությունը»,- ասվում է հաղորդագրության մեջ։
Դեպքի վայր է մեկնել փրկարարական ուժերի վարչության հատուկ փրկարարական ջոկատի հերթապահ խումբը:
Փրկարարների ուժերով գործարանի կաթսայատան ծխատար խողովակից իջեցվել է Երևանի բնակիչ՝ 37-ամյա Արմեն Թադևոսյանի դին և հանձնվել ոստիկանության աշխատակիցներին: -0-
Պատճենել հղումը
