ԵՐԵՎԱՆ, 29 հուլիսի. /Նովոստի-Արմենիա/. 1988 թվականի ավերիչ երկրաշարժից տուժած Գյումրի քաղաքը միացել է ՄԱԿ-ի Աղետների նվազեցման միջազգային ռազմավարության (UNISDR) «Դարձնենք քաղաքներն աղետակայուն. իմ քաղաքը պատրաստվում է» գլոբալ արշավին։
Համապատասխան արձանագրույթունը ստորագրվել է Երևանում Գյումրու փոխքաղաքապետի և ՄԱԿ-ի Երևանի գրասենյակի ներկայացուցչի կողմից։
2010 թվականի մայիսին ՄԱԿ-ի Աղետների նվազեցման միջազգային ռազմավարությունը հայտարարել է «Դարձնենք քաղաքներն աղետակայուն. իմ քաղաքը պատրաստվում է» գլոբալ արշավի մեկնարկի մասին։
Արշավը կոչ է անում փորձի փոխանակման և ներուժի բարձրացմանը տեղական մակարդակով։ Այդ գործընթացի կարևոր բաղադրիչը փորձի փոխանակումն ու հաջող աշխատանքի օրինակների գրանցումն է։
Ինչպես ստորագրումից հետո հայտնեց Հայաստանի ԱԻՆ հասարակայնության հետ կապերի բաժնի պետ Նիկոլայ Գրիգորյանը, ՄԱԿ-ի աջակցության ծրագրին մասնակցում են աշխարհի տարբեր քաղաքներ` տարերային աղետների նկատմամբ քաղաքների կայունության մակարդակի բարձրացման նպատակով։
«Երևանն արդեն միացել է արշավին, և այժմ արդեն հանրապետության երկրորդ քաղաքն է միանում դրան»,- ասաց Գրիգորյանը և կոչ արեց մյուս քաղաքներին նույնպես միանալ արշավին։
«Դարձնենք քաղաքներն աղետակայուն. իմ քաղաքը պատրաստվում է» գլոբալ արշավին, այսօրվա տվյալներով, մասնակցում է աշխարհի 752 քաղաք, որոնցից՝ 224-ը՝ Եվրոպայում։ -0-
