Հայոց ցեղասպանության թանգարան-ինստիտուտի տնօրենն ադրբեջանցի պատմաբաններին ծովահենների հետ է համեմատում

Հայոց ցեղասպանության թանգարան-ինստիտուտի տնօրեն Հայ Դեմոյանն ադրբեջանցի պատմաբաններին ծովահենների հետ է համեմատում:

«Ծովահենները նույնպես գանձեր են սիրում, և ադրբեջանական պատմածովահենները նույնպես իրենց գանձերն ու գոհարներն ունեն, որոնք նրանք, ի տարբերություն իսկական ծովահենների, չեն թաքցնում, այլ ներկայացնում են աշխարհին թերթերի և, այսպես կոչված, «ակադեմիական» աշխատությունների էջերին»,- չորեքշաբթի ասաց Դեմոյանը:

Թանգարանի տնօրենը հիշեցրեց, որ Ադրբեջանը հակահայկական քարոզչության համար էական նյութական ռեսուրսներ ունի, իսկ հակահայկական քաղաքականությունը, ֆաշիզմի քաղաքականությունը տարվում է պետական մակարդակով, կարգավորվում բարձրաստիճան պաշտոնյաների կողմից:

Դեմոյանը նշեց, որ հակահայկական «բուրգի» գագաթին Ալիևների ընտանիքն է, որն իր հակահայկական հայտարարություններով, պատմագրական ծովահենությամբ վախեցնում է ոչ միայն հայկական լսարանին, այլ նաև հենց ադրբեջանցիներին՝ չհասկանալով, որ Ղարաբաղյան պատերազմի վերսկսումը ոչ միայն հայերի կորուստների կհանգեցնի, այլ նաև բացասաբար կանդրադառնա ադրբեջանցիների երիտասարդ սերնդի վրա:

Նա նշեց, որ Ադրբեջանի առաջին տիկինը հակահայկական տրամադրությունների տարածման և ադրբեջանական դրական վարկանիշի ձևավորման նպատակով օգտագործում է հենց իր ստեղծած Հեյդար Ալիևի Հիմնադրամը՝ միաժամանակ ՅՈՒՆԵՍԿՕ-ի բարի կամքի դեսպան լինելով:

Թանգարանի տնօրենը նշեց, որ նույնքան ակտիվ հակահայկական քաղաքականություն է վարում նաև Ալիևների դուստրը՝ Լեյլան, ով պետական միջոցների օգնությամբ Ռուսաստանի մայրաքաղաքում հակահայկական տրամադրություններ է տարածում:

«Պատմագրական ծովահենության քաղաքականությանը զուգընթաց Ադրբեջանի կողմից ստեղծվել է ադրբեջանցիների «ողբերգությունների» և «կորուստների» օրացույց... Ֆինանսների առկայությունը թույլ է տալիս հրապարակել ոչ միայն ադրբեջանցի հեղինակների «գիտական» աշխատությունները, այլ նաև ուրիշ ազգությունների հեղինակների պատվերով գրված գրքեր»,- ասաց նա:

Միաժամանակ Դեմոյանը նշեց, որ Ադրբեջանն իր հակահայկական քաղաքականության մեջ կիրառում է նորագույն այնպիսի տեխնոլոգիաներ, ինչպիսին է, օրինակ, ֆոտոմոնտաժը: Ինչպես նա հիշեցրեց, վերջերս ադրբեջանցիները, պատշաճ մակարդակով ռետուշավորելով Գոշավանքի հայկական խաչքարը, փորձել են այն ներկայացնել որպես Ադրբեջանի գերեզմանի տապանաքար:

Դեմոյանը նկատեց, որ փորձը ձախողվել է այն պատճառով, որ ադրբեջանցիները չեն նկատել և մոռացել են մոնտաժի ժամանակ հեռացնել քարի վրա փորագրված հայերեն գրությունները:

«Այս բոլոր գործողություններն ընդհանուր ոչինչ չունեն իսկական ակադեմիական գիտության հետ, սակայն ինչ-որ տեղ ադրբեջանական դիրքորոշումն ըմբռնում է գտնում»,- ասաց նա:

Դեմոյանը հիշեցրեց նաև Գուբայում հայտնաբերված 200 աճյունները որպես հայերի ձեռքով սպանված ադրբեջանցիների գերեզման ներկայացնելու Ադրբեջանի վերջին փորձը:

«Հակահայկական վիրուսն օդի և ջրի պես անհրաժեշտ է Հայաստանին, քանի որ այն թույլ է տալիս ադրբեջանցիների հոգեկան համապատասխան վիճակ ստեղծել: Քանի դեռ այն գոյություն ունի, ազգային միաբանությունն ու գիտակցությունն ապահովված կլինի»,- ընդգծեց փորձագետը՝ հիշեցնելով, որ որպես նման գաղափար Ադրբեջանը փորձեց օգտագործել նաև ղարաբաղյան հակամարտությունը: -0-