Հայկական Վերահսկիչ պալատը հաջորդ տարի ստուգումներ կանցկացնի Հայաստանի մի շարք ռուսական ձեռնարկություններում, հայտնեց ՀՀ ՎՊ նախագահ Իշխան Զաքարյանը։
«Հայաստանի և Ռուսաստանի վերահսկիչ պալատների միջև համաձայնության շրջանակներում, որը կստորագրվի այսօր, հաջորդ տարի մի շարք համատեղ ստուգումներ կանցկացվեն»,- չորեքշաբթի լրագրողներին ասաց նա։
Մասնավորապես, ըստ նրա՝ ֆինանսական ստուգումներ կանցկացվեն ՎՏԲ (Հայաստան) Բանկում՝ ռուսական «ՎՏԲ» ԲԲԸ դուստր բանկում, «ՀայՌուսգազարդ» ՓԲԸ-ում (հայ-ռուսական ՀՁ), ինչպես նաև քննարկվել է Հայաստանում տեղակայված ռուսական ռազմակայանի սեփականության կառավարման հարցը։
ՌԴ Հաշվիչ պալատի ղեկավար Սերգեյ Ստեպաշինն իր հերթին նշեց, որ հայ գործընկերների հետ երկարատև և արգասաբեր համագործակցությունը հաշվի առնելով՝ մինչև 2012թ.-ը համատեղ աշխատանքի ծրագիր ստորագրելու որոշում է կայացվել, որտեղ մի շարք համատեղ վերահսկողական միջոցառումներ են նախատեսվել։ Ըստ նրա՝ դրանք վերաբերում են առևտրատնտեսական համաձայնություններին, որոնք վերջերս ստորագրվել են Հայաստանի և Ռուսաստանի նախագահների կողմից՝ են ռուսական ռազմակայանի գործունեություն, հիդրոէներգետիկա, ՌԱՕ ԵԷՍ-ի աշխատանքներ։
Ստեպաշինն ընդգծեց, որ դրանք չորս հիմնական վերահսկողական միջոցառումներ են, որոնք կիրականացվեն մինչև 2012թ.-ը։ Միաժամանակ նա նշեց, որ նոր հարցեր առաջանալու դեպքում ռուսական կողմը պատրաստ է քննարկել համատեղ համագործակցության հնարավորությունները, հատկապես ՌԴ նախագահի Երևան կատարած այցից և համագործակցության լուրջ երկկողմանի ծրագրի ստորագրումից հետո։
ՌԴ նախագահ Դմիտրի Մեդվեդևը պաշտոնական այցով Հայաստանում էր օգոստոսի 19-21-ը։
Այցի շրջանակներում մի շարք փաստաթղթեր են ստորագրվել, այդ թվում՝ Գյումրիում ռուսական ռազմակայանի մասին 1995թ.-ի երկկողմանի պայմանագրում փոփոխություններ մտցնելու մասին արձանագրությունը, որը վերաբերում է փաստաթղթի գործունեթյան ժամկետի երկարացմանը (մինչև 2046թ.-ը), հայկական տարածքում նոր ատոմակայանների և ատոմային բլոկերի շինարարաության ոլորտում Հայաստանի և Ռուսաստանի միջև համագործակցության մասին համաձայնագիրը, երկու երկրներում առևտրային ներկայացուցչություններ ստեղծելու մասին համաձայնագիրը, ռեադմիսիայի մասին համաձայնագիրը, ինչպես նաև հայկական տարածքում հավատարմագրած սպասարկման կենտրոններ և սպառազինության և ռազմական տեխնիկայի տեխսպասարկման ու նորոգման հարցով ՀՁ-ի ստեղծման բնագավառում համագործակցության հարցով փոխըմբռնման հուշագիրը։ -0-
