Ստոմատոլոգիայի շաբաթ է հայտարարված Հայաստանում և Ղարաբաղում սեպտեմբերի 27-ից հոկտեմբերի 3-ը
Ստոմատոլոգիայի շաբաթ է հայտարարված Հայաստանում և Ղարաբաղում սեպտեմբերի 27-ից հոկտեմբերի 3-ը, երկուշաբթի լրագրողներին հայտարարեց Հայաստանի ստոմատոլոգների ասոցիացիայի նախագահ Աշոտ Գևորգյանը։
Ըստ նրա՝ միջոցառումը նվիրված է Հայաստանի ստոմատոլոգների ասոցիացիայի տասնհինգամյակին։
«1995 թվականին ստեղծված ասոցիացիան այսօր ապացուցեց, որ նրա գործունեությունը պտուղներ է բերում, ինչպես նաև ավանդ է ներդնում միջազգային ոլորտում, որտեղ այն արդեն իրեն դրական կողմից է դրևսորել»,- ասաց Գևորգյանը։
Ստոմատոլոգիայի շաբաթվա շրջանակներում կազմակերպվել են Ստոմատոլոգների երրորդ համահայկական ֆորումը և Յոթերորդ միջազգային կոնգրեսը։ Շաբաթվա ընթացքում նախատեսվում են աշխարհի տարբեր երկրների տվյալ ոլորտի մասնագետների զեկուցումներ։ Սեպտեմբերի 29-ին կանցկացվեն համապատասխան դասընթացներ։ Սեպտեմբերի 30-ին միջոցառումները կանցկացվեն Ղարաբաղում, որտեղ երեխաներին ատամի խոզանակներ և մածուկներ կբաժանվեն։
Հայաստանի առողջապահության նախարար Հարություն Քուշկյանը կարևորեց նման միջոցառման անցկացումը։
«Կանցկացվի կարծիքների փոխանակում, գաղափարների բախում, բուժման լավագույն մեթոդների քննարկում։ Կստեղծվի նաև հետագա համագործակցության բազա»,- ասաց նախարարը։ Նա նշեց, որ այդ գործունեության շնորհիվ կբարելավվի ծառայությունների որակը և հասանելիությունը։
1995 թվականին հիմնադրված Հայաստանի ստոմատոլոգների ասոցիացիան 1999 թվականին ընդգրկվել է Ստոմատոլոգների համաշխարհային ֆեդերացիայի կազմում, իսկ 2000 թվականից Ստոմատոլոգների եվրոպական տարածաշրջանային կազմակերպության անդամ է։ -0-
