ԵՐԵՎԱՆ, 10 սեպտեմբերի. /Նովոստի-Արմենիա/. «ՀարավԿովկասյան երկաթուղի» ՓԲԸ գլխավոր տնօրեն Շևքեթ Շայդուլլինին ուրբաթ հանձնվել է «Հավատի և առաքելության» պատվավոր նշանը՝ Գյումրի քաղաքում «Պատվո Բլուր» հուշահամալիրի վերականգմանը ակտիվ մասնակելու համար, հաղորդում է ընկերության մամուլի ծառայությունը։ Հանդիսավոր արարողությունն անցկացվել է Հայաստանում ՌԴ դեսպանատանը։
«Պատվո բլուրը» զինվորական գերեզմանոց է՝ հիմնված 1856 թ.-ին որպես հուշարձան Կովկասյան կորպուսի գլխավոր հրամանատար, գեներալ Նիկոլայ Մուրավյովի կարգադրությամբ: Առաջին հուղարկավորությունը վերագրվում է 1856 թ.-ին: Այն ժամանակ հենց դրա կողքին կառուցվել է ռուսական ուղղափառ մատուռ՝ որպես զոհվածների հրաժեշտի վայր:
«Հավատի և առաքելության» պատվավոր նշանը հանձնվել է Ուլյանովսկի շրջանի մարզպետ Սերգեյ Մորոզովի կողմից։ Նրա ղեկավարած տարածաշրջանը աջակցություն է ցուցաբերել հուշարձանի վերականգնմանը։
«ՀԿԵ» ՓԲԸ գլխավոր տնօրենը պատվավոր նշանով է պարգևատրվել՝ «Պատվո Բլուր» պատմական հուշահամալիրի և Գյումրի քաղաքում ռուս մարտիկների հուշարձանի վերականգնման գործում ունեցած զգալի ավանդի, ինչպես նաև ՌԴ Ուլյանովսկի շրջանի և ՀՀ Շիրակի մարզի միջև հումանիտար և մշակութային համագործակցության ամրապնդման համար»,- ասվում է հաղորդագրության մեջ։
«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝ «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--
