Հայկական խորհրդարանի խոսնակն անձամբ պատրաստ է աջակցել հայ-թուրքմենական հարաբերությունների զարգացմանը
ԵՐԵՎԱՆ, 9 սեպտեմբերի. /Նովոստի-Արմենիա/. ՀՀ ազգային ժողովի նախագահ Հովիկ Աբրահամյանն անձամբ պատրաստակամություն հայտնեց Հայաստանի և Թուրքմենստանի միջև հարաբերությունների խորացման համար անհրաժեշտ օրենսդրային դաշտի ստեղծմանը, հաղորդում է ՀՀ ԱԺ հասարակայնության և տեղեկատվության միջոցների կապերի հետ վարչությունը։
Հայաստանում Թուրքմենստանի նորանշանակ դեսպան Աթա Սերդարովի հետ հանդիպման ժամանակ հայկական խորհրդարանի խոսնակը հույս հայտնեց, որ նրա աշխատանքը կնպաստի հայ-թուրքմենական փոխշահավետ հարաբերությունների առավել ամրապնդմանն ու խորացմանը:
ՀՀ Ազգային ժողովի նախագահը կարևորեց միջխորհրդարանական կապերի զարգացումը երկու երկրների օրենսդիր մարմինների միջև` նշելով, որ պատրաստ է օժանդակել այդ կապերի ակտիվացմանը:
ՀՀ ԱԺ նախագահը կարևորեց նաև, որ Թուրքմենստանի խորհրդարանում ևս ստեղծվի նման պատգամավորական բարեկամության խումբ:
Թուրքմենստանի դեսպան Աթա Սերդարովը վստահեցրեց, որ իր գիտելիքներն ու փորձը կօգտագործի հայ-թուրքմենական հարաբերությունների ամրապնդման և զարգացման համար: -0-