«Թումանյանական հեքիաթի օր» տիկնիկային թատրոնների միջազգային հինգերորդ փառատոնին նվիրված տոնական շքերթ կանցկացվի Երևանում սեպտեմբերի 18-ին, ասաց փառատոնի գեղարվեստական ղեկավար, Տիկնիկային արվեստի գործիչների միջազգային միության հայկական կենտրոնի՝ UNIMA-Armenia-ի նախագահ Արմեն Սաֆարյանը։
«Թումանյանական հեքիաթի օր» փառատոնն ամեն տարի անցկացվում է Լոռու մարզի Դսեղ գյուղում՝ աշխարհահռչակ հայ պոետ և գրող, հայտնի հեքիաթների հեղինակ, 20-րդ դարի հասարակական գործիչ Հովհաննես Թումանյանի ծննդավայրում: Այս տարի փառատոնը կանցկացվի սեպտեմբերի 5-11-ը՝ 14 երկիր ներկայացնող 22 թատերախմբերի մասնակցությամբ:
«Շքերթը կմեկնարի Հովհաննես Թումանյանի թանգարանից: Այնտեղ թատերական ներկայացում կկազմակերպվի դպրոցների, մանկատների և Երևանի այլ մանկական հաստատությունների սաների համար», - ուրբաթ մամուլի ասուլիսի ժամանակ ասաց Սաֆարյանը:
Նրա խոսքերով՝ մարզերի տիկնիկային թատրոնների ուրախ տոնական շքերթը կանցնի Թումանյան փողոցով դեպի «Կարապի լիճ», այնուհետև՝ Ազատության հրապարակ, որտեղ շքերթի մասնակիցները հայ գրողի հուշարձանի մոտ իրենց հարգանքի տուրքը կմատուցեն հռչակավոր գրողին:
Շքերթին մասնակցող երեխաները խճանկարներ կհավաքեն և գունավոր կավճով ասֆալտի վրա աշխարի տարբեր երկրների հեքիաթների թեմայով նկարներ կնկարեն:-0-
