ԵՐԵՎԱՆ, 21 օգոստոսի. /Նովոստի-Արմենիա/. Անցած հինգշբաթի «Դատապարտյալների հիվանդանոց» ՔԿՀ-ում 22-27 տարեկան երեք կին վիճաբանություն են հրահրել, հաղորդում է ՀՀ ոստիկանության մամուլի ծառայությունը:
Տեղեկատվության մեջ նշվում է, որ կանայք, «կոպտորեն խախտելով հասարակական կարգը և բացահայտ անհարգալից վերաբերմունք դրսևորելով քրեակատարողական հիմնարկի աշխատակիցների նկատմամբ, վիճաբանել են, քաշքշել իրար»:
Նույն օրը միջադեպի բոլոր մասնակիցները բերման են ենթարկվել ոստիկանության բաժին: Տեղեկատվության մեջ չի նշվում, թե կանայք կոնկրետ ինչ են արել դատապարտյալների համար նախատեսված հիվանդանոցում:
«Հանգամանքները պարզվում են: Կատարվում է հետաքննություն», - նշեցին մամուլի ծառայությունից:-0-
