Հայաստանի նախագահը հանդիպել է «Լույս» հիմնադրամի կրթաթոշակառուների հետ

Հայաստանի նախագահ Սերժ Սարգսյանը հինգշաբթի հանդիպում է ունեցել «Լույս» հիմնադրամի կրթաթոշակառուների հետ:

«Լույս» հիմնադրամը ստեղծվել է 2008 թվականի ապրիլին Հայաստանի նախագահ Սերժ Սարգսյանի բարձր հովանու ներքո, ով հիմնադրամի Հոգաբարձուների խորհրդի նախագահն է: «Լույսի» նպատակն է ուսանողների ուսուցման ֆինանսավորումը օտարերկրյա առաջատար բուհերում:

Ինչպես լրագրողներին հայտնեց «Լույս» հիմնադրամի կրթական ծրագրերի տնօրեն Ժակլին Կարաասլանյանը, հանդիպմանը մասնակցել է 70 կրթաթոշակառուներից ընդամենը 30-ը, քանի որ մյուսները տվյալ պահին երկրից դուրս են գտնվում:

«Անցյալ տարի մենք վճարեցինք 44 ուսանողների կրթության համար»,- ասաց նա:

Կարաասլանյանի խոսքերով՝ «Լույս» հիմնադրամն իր վրա է վերցնում այն հայ երիտասարդների կրթության ֆինանսավորումը, որոնք ընդունվել են աշխարհի այն 25 առաջատար բուհերից մեկը,  որոնք ներառված են հիմնադրամի ցանկում:

«Մեր կրթաթոշակառուների մեծ մասը Հայաստանի բնակիչներ են: Մեր հիմնադրամը երիտասարդ է, հուսով եմ, որ ժամանակի ընթացքում ավելի շատ երիտասարդներ կդառնան մեր կրթաթոշակառուները», - նշեց նա:

Հիմնադրամի կրթական ծրագրի տնօրենը տեղեկացրեց, որ կրթաթոշակառուները նախագահի հետ հարցերի լայն շրջանակ են քննարկել, մասնավորապես, գիտատար տնտեսության կայացման և հայրենիքում իրենց գիտելիքների օգտագործման հեռանկարները:-0-