Հայկական ձուկը կարող է անարգել Ռուսաստան արտահանվել. տեսչություն

Ռուս փորձագետները՝ չնայած աֆրիկյան ժանտախտի դեպքերին, թույլատրել են դեպի ՌԴ հայկական ձկան արտահանումը, ասաց ՀՀ գյուղատնտեսության նախարարության Անասնաբուժության և սննդամթերքի անվտանգության պետական տեսչության պետ Գրիշա Բաղիյանը:

«Մենք ձկնաբուժության ոլորտում սերտորեն համագործակցում ենք Ռուսաստանի հետ, մեզ մոտ ռուս փորձագետների համապատասխան խումբ է եղել, որի անդամները հետազոտել են ձկնաբուծական ֆերմաները և համոզվել են, որ աֆրիկյան ժանտախտի հետ կապված ձկնային արտադրությունը խնդիրներ չունի»,- ասաց Բաղիյանը։

Ըստ նրա՝ ձկնաբուծական ֆերմաներում դիտարկում է անցկացվել, և ձուկ ու  ձկնաարտադրանք դեպի ՌԴ արտահանել ցանկացողները կարող է դա անել ռուսական կողմերի ստուգումների արդյունքում։
 
Հայաստանի Ձկնաբույծների ասոցացիայի տվյալների համաձայն՝ երկրում տարեկան շուրջ 4,5 հազար տոննա լճի արհեստական ձուկ է արտադրվում, որից 600-700 տոննան թառափ է, իսկ շուրջ 3,5 հազար տոննան՝ իշխան։ Երեք ամսվա ընթացքում Ռուսաստան 80-100 հազար դոլարի ձկնարտադրանք է արտահանվել։ Հայաստանից Ռուսաստան առավելապես իշխան տեսակի ձուկ է արտահանվում՝ կարմրախայտ, դեղին իշխան, սովորական իշխան։

Հայաստանում ձկան արտադրության ներուժը տարեկան 300 հազար տոննա է կազմում։

Աֆրիկյան ժանտախտի արդյունքում Հայաստանում 2010թ.-ին արդեն 1300 գլուխ խոզ է սատկել և սպանվել։ -0-