Հայաստանի ԶՈՒ կարգապահական կանոնադրությունն է հաստատվել կառավարության կողմից

Հայաստանի կառավարությունը հինգշաբթի հաստատել է Հայաստանի Զինված ուժերի կարգապահական կանոնադրությունը։

Ինչպես Գեղարքունիքի մարզում տեղի ունեցած կառավարության արտագնա նիստի ժամանակ հայտնեց Հայաստանի պաշտպանության փոխնախարար Արա Նազարյանը, կանոնադրությունում սահմանվում են զինվորական կարգապահության հասկացությունները և սկզբունքները, ինչպես նաև զինծառայողների կողմից զինվորական կարգապահության պահպանումը։

Բացի այդ կանոնադրությամբ նկարագրվում են զինծառայողների խրախուսման և կարգապահական տույժերի տեսակները, դրանց կիրառման պայմաններն ու կարգը, հրամանատարների իրավունքները դրանք կիրառելիս, ինչպես նաև զինվորական կարգապահության ամրապնդմանը վերաբերող այլ հարաբերությունները։ -0-