ԵՐԵՎԱՆ, 18 հունիսի./Նովոստի-Արմենիա/. Հայ ուսանող օդաչուներն օդաչուի գործը կսովորեն Ուլյանովսկի Քաղաքացիական ավիացիայի բարձրագույն ավիացիոն ուսումնարանում, ուրբաթ «Նովոստի» միջազգային մամուլի կենտրոնում ասուլիսի ժամանակ ասաց ՀՀ Քաղաքացիական ավիացիայի գլխավոր վարչության թռիչքի անվտանգության վարչության պետ Սերոբ Կարապետյանը։
Հայաստանում չկան բարձրացույն ավիացիոն հաստատություններ, ինչի կապակցությամբ օդաչուների ուսուցումն իրականացվում է կամ Ավիաուսումնական կետրոնի շրջանակներում, կամ օտարերկրյա բարձրագույն թռիչքային ուսումնական հաստատությունների հետ համագործակցությամբ:
«Ռուսաստանի հետ մասնագետների նախապատրաստման միջպետական համաձայնագրի շրջանակներում ապրիլին Ուլյանովսկի համալսարանի հետ օդաչուների ուսուցումը կազմակերպելու, Հայկական Ավիաուսումնական կենտրոնի մասնագետների և արդեն գործող օդաչուների վերապատրաստման անցկացման մասին համալիր համաձայնագիր է կնքվել»,- ասաց Կարապետյանը։
Ըստ նրա՝ պետպատվերի շրջանակներում Հայաստանում հինգ տարվա համար ընդամենը տասը տեղ է հատկացվել, ինչը թույլ կտա ապահովել 50 օդաչուների կրթությունը և նախապատրաստումը, ինչը լիովին բավարարում է Հայաստանի պահանջները։
Նա նշեց, որ Ուլյանովսկի բուհը բոլոր անհրաժեշտ սարքավորումներն ու պրոֆեսիոնալ կադրերի պատրաստման համար մարզասարքերն ունի:
«Չնայած տվյալ պահին Հայաստանում առկա օդաչուների թիվը բավարար է, ամեն դեպքում, ինչպես առողջության, այնպես էլ տարիքի պատճառով ամեն տարի օդաչուների թվի կրճատումը, ինչպես նաև ուղևորափոխադրումների և բեռնափոխադրումների ծավալի աճը հաշվի առնելով՝ մենք որոշել ենք երիտասարդ մասնագետների պատրաստում կազմակերպել»,- ասաց Կարապետյանը։
Հետխորհրդային տարածքում օդաչուների պատրաստման ընդամենը չորս խոշոր բուհեր է գործում, որոնք գտնվում են Ղազախստանում, Ուկրաիանյում և Ռուսաստանում (Սանկտ Պետերբուրգ և Ուլյանովսկ)։
Հայաստանի ազգային ավիափոխադրող «Արմավիա» ընկերությունը ինքնուրույն է իրականացնում իր օդաչուների վերապատրաստումը Պորտուգալիայում և Թունիսում։ -0-
