ՀՀ նախագահը երիտասարդական մրցանակներ է շնորհել դասական երաժշտության, արվեստի և կինոյի ոլորտում
ՀՀ նախագահ Սերժ Սարգսյանը ապրիլի 10-ին ին հրամանագիր է ստորագրել դասական երաժշտության բնագավառում Հանրապետության նախագահի երիտասարդական մրցանակ շնորհելու մասին:
Ինչպես երկուշաբթի «Նովոստի-Արմենիա» գործակալությանը տեղեկացրեցին ՀՀ նախագահի մամուլի ծառայությունից, բարձր կատարողական արվեստի համար Հանրապետության նախագահի 2009 թվականի երիտասարդական մրցանակ է շնորհվել «Երգեցողություն» անվանակարգում` Գուրգեն Բավեյանին,
«Գործիքային կատարում» անվանակարգում` Էդուարդ Ներսիսյանին (սաքսոֆոն), Սոնա Բարսեղյանին (դաշնամուր), Պետրոս Սիմիդյանին (դաշնամուր):
Նախագահ Սերժ Սարգսյանի մեկ այլ հրամանագրով Հանրապետության նախագահի 2009թ-ի երիտասարդական մրցանակ է շնորհվել կերպարվեստի և կինոյի բնագավառում՝ Օվսաննա Շեկոյանին՝ «Դպրոց» գեղանկարների շարքի համար,
Վահագն Ղուկասյանին՝ «Մտահղացում» գեղանկարների շարքի համար,
Բագրատ Բալաբեկյանին՝ կերպարվեստի ասպարեզում ստեղծագործական որոնումների համար:
Գրականության բնագավառում նախագահական մրցանակի է արժանացել Արամ Պաչյանը (Սևակ Թամամյան)՝ պատմվածքների շարքի համար:-0-