Հայաստանի վարչապետ Տիգրան Սարգսյանը Ուկրաինայի կառավարության ղեկավար Նիկոլա Ազարովի հետ հինգշաբթի կայացած հեռախոսազրույցի ընթացքում նշել է, որ երկու երկրների միջև չիրացված մեծ պոտենցիալ և երկկողմ համագործակցության լայն հեռանկարներ կան։
Ինչպես հինգշաբթի «Նովոստի-Արմենիա» գործակալությանը հաղորդեցին կառավարության մամուլի ծառայությունից, Սարգսյանը շնորհավորել է Նիկոլայ Ազարովին վարչապետի պաշտոնում նշանակվելու առթիվ, հաջողություններ մաղթել պատասխանատու աշխատանքում:
Զրույցի ընթացքում պայմանավորվածություն է ձեռք բերվել ակտիվացնել տնտեսական համագործակցության միջկառավարական հանձնաժողովի աշխատանքը:
Այդ կապակցությամբ հանձնաժողովների նախագահներին հանձնարարականներ են տրվել համաձայնեցնել ու կազմել օրակարգ եւ առաջիկայում անցկացնել տնտեսական համագործակցության միջկառավարական հանձնաժողովի նիստ: -0-
