2010թ.-ի հունվար-փետրվարին Հայաստանում 298 ՃՏՊ է գրանցվել

ԵՐԵՎԱՆ, 11 մարտի. /Նովոստի-Արմենիա/. 2010թ.-ի հունվար-փետրվարին Հայաստանում 298 ճանապարհատրանսպորտային պատահար է գրանցվել, հինգշաբթի լրագրողներին տեղեկացրեց ՀՀ Ճանապարհային ոստիկանության պետ Մարգար Օհանյանը:

«Գրանցված ՃՏՊ-ների հետևանքով 40 մարդ զոհվել է, ևս 40-ը վիրավորվել են: 2009թ.-ի համեմատ ՃՏՊ-ների թիվն ավելացել է 4 դեպքով, 2010թ.-ին զոհվածների թիվը 8 մարդով պակաս է, իսկ վիրավորների թիվն ավելացել է 20-ով», - հինգշաբթի մամուլի ասուլիսի ժամանակ ասաց Օհանյանը:

Նրա խոսքերով, երկու առավել խոշոր ՃՏՊ է գրանցվել Հայաստանում մարտի 7-ին, ընդ որում երկուսն էլ տեղի են ունեցել Երևանում, որոնց հետևանքով վիրավորվել է 16 մարդ:

Օհանյանը նշեց, որ 2010թ.-ի առաջին երկու ամսվա ընթացքում Հայաստանում կազմվել է 105,9 հազար արձանագրություն՝ ճանապարհային երթևեկության կանոնների խախտման վերաբերյալ: Ճանապարհային ոստիկանության պետի տվյալների համաձայն, դրանցից 19,4 հազարը դուրս են գրվել վարորդների կողմից անվտանգության ամրագոտիները չկիրառելու պատճառով:

Օհանյանի տվյալների համաձայն, 2010թ.-ի հունվար-փետրվարին հետիոտների կողմից ճանապարհային երթևեկության կանոնների խախտման կապակցությամբ գրանցվել է 6,3 հազար արձանագրություն:

«2009թ.-ի Հայաստանում կազմվել է 670 հազար արձանագրություն ճանապարհային երթևեկության կանոնների խախտման մասին: Ամեն օր ոստիկանության աշխատակիցները կազմում են 1,5 հազարից մինչև 2 հազար արձանագրություն», - ասաց նա:-0-