Հայկական բանակը պատրաստ է հակահարված տալ հակառակորդի կողմից հարձակման հնարավոր ագրեսիայի դեպքում. գնդապետ

ԵՐԵՎԱՆ, 28 հունվարի. /Նովոստի-Արմենիա/. Հայկական բանակը պատրաստ է հակահարված տալ հակառակորդի կողմից հարձակման հնարավոր ագրեսիայի դեպքում, հինգշաբթի հայտարարեց «Մոնթե Մելքոնյանի» անվան ռազմամարզական  վարժարանի հիմնադիր Ալեքսան Մինասյանը:

«Չնայած նրան, որ 2003 թվականից ես չեմ ծառայուոմ ազգային բանակում և ճշգրիտ տվյալներ չունեմ բանակի տեխնիակական զինվածության որակի և մակարդակի մասին, այնուամենայնիվ, չեմ կարծում, թե մեր բանակը վատ է զինված»,- ասաց նա։

Փորձագետը նաև ընդգծեց բանակում ռազմական ոգու պահպանման անհրաժեշտությունը՝ հատուկ նշանակություն տալով հրամանատարական կազմի գրագետ սերնդափոխությանը։ Ըստ նրա՝ հենց դա է որակյալ և ուժեղ բանակի գրավականը։

Խոսելով հայկական ազգային բանակի ամրապնդման համար կարևոր կառուցվածքային բարեփոխումների մասին՝ Մինասյանը նշեց, որ հայկական բանակը պետք է մեծ ուշադրություն դարձնի հատուկ նշանակության ուժերի զարգացմանը։

«Ներկայումս հայկական բանակն ուշադրությունը կենտրոնացնում է ընդհանուր ռազմական ռազմավարության վրա։ Ես առաջարկում եմ որոշ կառուցվածքային փոփոխություններ կատարել, մասնավորապես, լեռնային աշխարհագրությունը նկատի առնելով՝ ես առաջարկում եմ զբաղվել հատուկ նշանակության ուժերի հզորացմամբ»,- ասաց Մինասյանը։

Հատուկ նշանակության ստորաբաժանումների ստեղծումն, իմ կարծիքով, ձեռնտու է ոչ միայն արագ արձագանքման տեսանկյունից, այլև այն առումով, որ դա չի պահանջում հատուկ տեխնիկական զինում։

Հենց այս պատճառով ես հատուկ նշանակություն եմ տալիս հատուկ նշանակության զորքերին, որտեղ զենքի մաշվածությունն առանձնակի դեր չի խաղում»,- նշեց Մինասյանը։

Հայաստանում հինգշաբթի նշվում է Հայկական բանակի հիմնադրման 18-ամյակը, ինչը սերտորեն կապված է հայկական անկախ պետության կայացման հետ: Հայկական բանակի շնորհիվ հաջողվեց պաշտպանել Արցախի անկախությունն ու անսասան պահել Հայաստանի սահմանները:

Հայկական բանակի ստեղծման օրը համարվում է 1992 թվականի հունվարի 28-ը, երբ Հայաստանը պատմական որոշում ընդունեց «Հայաստանի Հանրապետության պաշտպանության նախարարության մասին», և հրապարակվեց նախարարի առաջին հրամանը։ -0-