ՀՀ երկրորդ նախագահ Ռոբերտ Քոչարյանը հինգշաբթի Թեհրանում հանդիպել է Իրանի արտգործնախարար Մենուչեհր Մոթեքիի հետ, հայտնում է Tehran Times ինտերներ-հրատարակությունը:
Հանդիպման ժամանակ քննարկվել են ՀՀ և Իրանի համագործակցության հեռանկարները, տարածաշրջանային հարցեր և համաշխարհային տնտեսական ճգնաժամի շուրջ իրավիճակը:
Քոչարյանը հայտարարել է, որ Հայաստանը մտադիր է ընդլայնել երկկողմղ համագործակցությունը Իրանի հետ:
Նախկին նախագահը ընդգծել է նաև արդյունավետ մոտեցումների կարևորությունը տարածաշրջանում անվտանգության ու տնտեսական զարգացման հարցերի լուծման դեպքում:
Քոչարյանը Կովկասում ճգնաժամերի հարթման հարցերով արտասահմանյան տերությունների խորհուրդները կործանարար է համարել:
Իր հերթին Իրանի ԱԳՆ ղեկավարը Հայաստանի հետ հարաբերությունները «պատմական» է համարել ու ընդգծել Կովկասում խաղաղության ու հանգստության պահպանման անհրաժեշտությունը:
Ռոբերտ Քոչարյանը Հայաստանի նախագահ է եղել 1998-2008 թթ.-ին: Տվյալ պահին ոչ մի պետական պաշտոն չի զբաղեցնում: --0--
