Հայաստանն ու Գերմանիայի Զաքսեն-Անհալթ երկրամասը մտադիր են ընդլայնել համագործակցությունը
ԳԴՀ-ում Հայաստանի դեսպան Արմեն Մարտիրոսյանը համագործակցության ընդլյանմանն առնչվող հարցեր է քննարկել Գերմանիայի Զաքսեն-Անհալթ երկրամասի ղեկավարության հետ:
Ինչպես հաղորդում է ՀՀ ԱԳՆ մամուլի ծառայությունը, Զաքսեն-Անհալթի վարչապետ Վոլֆգանգ Բյոմերի հետ հանդիպման ժամանակ դեսպան Մարտիրոսյանը շնորհակալություն է հայտնել երկրամասի իշխանություններին Հայաստանի հետ մշակութային և կրթական ոլորտներում արդյունավետ համագործակցությանն ուղղված աջակցության համար:
Զրույցի ընթացքում երկուստեք ընդգծվել է համագործակցության ոլորտներն ընդլայնելու անհրաժեշտությունը: Կողմերը պայմանավորվել են մշակել հստակ առաջարկներ տնտեսական կապերը զարգացնելու ուղղությամբ:
Զրուցակիցները քննարկվել են նաև Զաքսեն-Անհալթ երկրամասի և ՀՀ մարզերից մեկի, ինչպես նաև տվյալ երկրամասի և ՀՀ առանձին քաղաքների միջև ուղիղ կապեր հաստատելու հնարավորությունները:
Մագդեբուրգի քաղաքապետ Քոխ Ռյուդիգերի հետ հանդիպման ժամանակ գերմանական կողմը պատրաստակամություն է հայտնել համագործակցություն հաստատել Մագդեբուրգի տեխնիկական համալսարանի և ՀՀ տեխնիկական համալսարաններից որևէ մեկի միջև:-0-