ՀՀ ԿԲ ղեկավարը օն-լայն հարցազրույց կտա www.armbanks.am կայքում

ԵՐԵՎԱՆ, 21  դեկտեմբերի. /Նովոստի-Արմենիա/. ՀՀ ԿԲ ղեկավար Արթուր Ջավադյանը օն-լայն հարցազրույց կտա www.armbanks.am կայքում:

ԿԲ ղեկավարը կամփոփի անցնող տարվա արդյունքները, կներկայացնի 2010թ.-ին կարգավորիչի գործունեության ծրագրերն ու ուղղությունը, ինչպես նաև կպատասխանի իրեն ուղղված հարցերին: Երկրի գլխավոր բանկիրին հարց կարելի է ուղղել այցելելով www.armbanks.am կայքը՝ http://www.armbanks.am/online-конференция հասցեով:

«ԱՌԿԱ» գործակալությունն իր բիզնեսի ինտերնետ ուղղությունների զարգացման ռազմավարության շրջանակներում 2009 թ.-ի հոկտեմբերից թողարկել է www.armbanks.am, www.bonds.am, www.anticrisis.am նոր նախագծերը:

Բացի օպերատիվ տեղեկատվությունից, կայքերում կան նաև վերլուծական ու բացառիկ նյութեր, տվյալներ բանկերի, ապահովագրական և վարկային կազմակերպությունների մասին, դրանց համեմատական ֆինանսական ցուցանիշները, վիճակագրական տեղեկատվություն:

Հաճախորդները կարող են օգտվել նոր ծառայություններից՝ օն-լայն ասուլիսներից և օն-լայն խորհրդատվությունից, կայքում կան նաև վարկային հաշվիչ և տարադրամի փոխարկիչ: -0-