Հանրապետության բոլոր ճանապարհները բաց են. Տրանսպորտի նախարարություն

ԵՐԵՎԱՆ, 15 դեկտեմբերի. /Նովոստի-Արմենիա/. Հանրապետության բոլոր ճանապարհները ներկայում բաց են, իսկ որոշ` Սիսիան-Գորիս, Սևան-Գավառ հատվածներում և Մեղրու լեռնանցքում տեղ-տեղ կա մերկասառույց, տեղեկացնում են ՀՀ տրանսպորտի և կապի նախարարությունից:

Դեկտեմբերի 14-ին հանրապետության որոշ մարզերում տեղացած առատ ձյան պատճառով փակվել էր Քաջարան-Մեղրի ճանապարհի Մեղրիի լեռնանցքը, իսկ Գորիս-Սիսիան հատվածը դժվար անցանելի էր դարձել:

ՀՀ տրանսպորտի եւ կապի նախարարության պաշտոնական կայքէջում /հասցեն` www.mtc.am/arm_map.html յուրաքանչյուր աշխատանքային օր տեղադրվում է հանրապետությունում ճանապարհների վիճակի վերաբերյալ քարտեզ, որն, ըստ անհրաժեշտության, թարմացվում է առավոտյան եւ երեկոյան ժամերին:-0-