Մշակութային սեփականության պահպանման և վերականգնման միջազգային կենտրոնի ղեկավարը կարող է այցելել Հայաստան
ԵՐԵՎԱՆ, 30 նոյեմբերի. /Նովոստի-Արմենիա/. Հայաստանի մշակույթի նախարար Հասմիկ Պողոսյանը Մշակութային սեփականության պահպանման և վերականգնման միջազգային կենտրոնի ղեկավար (ICCROM) Մունիր Բուշենակին հրավիրել է այցելել հանրապետություն:
Ինչպես «Նովոստի-Արմենիա» գործակալությանը հայտնեցին ՀՀ ԱԳՆ մամուլի ծառայությունից, հրավերն ուղարկվել է Հռոմում Պողոսյանի և Բուշենակիի հանդիպման ընթացքում, որի ժամանակ քննարկվել են Հայաստանում մշակութային ժառանգության պահպանմանն ուղղված ծրագրերի իրականացման, համատեղ գիտաժողովների կազմակերպման հետ կապված հարցեր:
Բացի այդ Պողոսյանը Հռոմում Իտալիայի մշակույթի նախարար Սանդրո Բոնդիի հետ քննարկել է համագործակցության հարցեր:
Մշակույթի նախարար Հասմիկ Պողոսյանը մասնակցել է Մշակութային սեփականության պահպանման և վերականգնման միջազգային կենտրոնի՝ նոյեմբերի 24-27-ը Հռոմում անցկացվող 26-րդ նիստին:
Հայաստանը ICCROM անդամ է 2004 թ.-ի մայիսի 5-ից: -0-