Հայաստանի բնակչության 8 տոկոսն այսօր տառապում է բրոնխիալ ասթմայով. ՀՀ առողջապահություն

ԵՐԵՎԱՆ, 27 նոյեմբերի. /Նովոստի-Արմենիա/. Հայաստանի բնակչության 8 տոկոսն այսօր տառապում է բրոնխիալ ասթմայով, և մեծսմասնություն են կազմում երեխաները, հայտնեց ՀՀ առողջապահության գլխավոր թոքաբան, Ռուսաստանի բնական գիտությունների ակադեմիայի անդամ, պրոֆեսոր Անդրանիկ Ոսկանյանը։

«Ասթման չափազանց տարածված է Հայաստանում, նախ, կլիմայական պայմանների պատճառով։ Ներկայում հանրապետությունում այդ հիվանդությամբ է տառապում բնակչության 7-8 տոկոսը, ընդ որում գերակշռող մաս են կազմում մինչև 18 տարեկան երեխաները»,- ուրբաթ մամուլի ասուլիսի ժամանակ ասաց Ոսկանյանը։

Նրա խոսքով, 1999-2009թթ. Հայաստանում բրոնխիալ ասթմայից մահացել է 0,04 տոկոս մարդ։

«Եթե մինչև 1998 թվականը մահվան դեպքեր էին գրանցվում հիմնականում տարեց մարդկանց մոտ, ապա 1999 թվականից հետո պատկերը կտրուկ փոխվեց, և այժմ մեծ մասամբ ասթմայից մահանում են հիմնականում դեռահասները»,- ասաց նախարարության ներկայացուցիչը։

Թոքաբանը նշեց, որ բրոնխիալ ասթման հիվանդությունների այն դասին է պատկանում, որոնք անընդհատ հսկողության կարիք ունեն, որպեսզի էլ ավելի չբարդանան։

«Ասթմայով տառապողների վիճակի վատթարացման դեպքերի մեծ մասը բաժին է ընկնում այն հիվանդներին, ովքեր չգիտեն այդ հիվանդության և դրա հետևաքների մասին»,- ասաց պրոֆեսորը։

Նա նաև հայտնեց, որ վարակների տարածումը, ներառյալ A/H1N1-ը, կտրուկ մեծացնում է բրոնխիալ ասթմայով հիվանդանալու ռիսկը։-0-